Shillong, Jul 23: Budbar salo, Meghalaya Legislative Assembly, a•dokni Forest department baksa nangrime bol ge•ani program-ko Shillong songjinmani Mawdiangdiang-o donggipa Meghalaya Legislative Assembly-o ong•atangaha aro bol ge•anio, a•dokni Governor Chandrashekhar H Vijayashankar, Chief Minister Conrad K Sangma, Assembly-ni Speaker Thomas A Sangma, Deputy Chief Minister Prestone Tynsong, Assembly-ni Deputy Speaker Timothy D Shira aro Meghalaya Legislative Assembly-ni membor-rangba bak ra•angtokaha.
Ia bol ge•ani program-o a•dokni Governor, jinmana aganprakengon, Forestry aro Agriculture subject-rangan uni gisiko nangbatgipa subject-rang ong•a ine janapatenba, iandake bolrangko ge•engon, joltango chagipa sam bolrangna gisik on•batna nanga ine didiani kattarangko aganangaha.
Meghalaya a•doko samna jakkalgipa sam-bolrang bang•en donga ine janapatskaengon, iandakgipa sam-bolrangko, mongsongbate gimaangenggipa rokomrangko ripingna nangani gimin Governor aganaha.
Gama ge•anirangko dakanio rokom mingsanko gama ge•anichi, a•ako aro a•salrangko nosto ka•na man•a ineba ua gama ge•anirango pangnan dingtang dingtang rokomrangko ge•china didiangaha.
Ia program-o a•dokni Chief Minister Conrad K Sangma-ba jinmana aganprakengon, a•gilsakni dingtang ong•aniko pilak biaprangon nikna man•engaha aro ia salni bako gital Assembly-o bolrangko ge•aniara bolrangko ge•mangmangasan ong•jaenga indiba a•gilsakni neng•nikanirangko namatna ja•ku de•anio pilak MLA-rangan ku•cholsan ong•a ine mesokaniba ong•enga ine aganaha.
Program matchotani ja•man a•dokni Chief Minister, ia gital Assembly-ko rikani kamrangkoba niangjolaha.
Na·simang iakoba nina man·gen:
Na·simang iakoba poraina man·gen: Ri Bhoi a•jao lottery kal•aniko dontongata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
