Shillong, Jul 23: Ri Bhoi a•jani Nongpoh-o lottery ba chitti kal•anio tikit palgiparangoni bang•batan tikit receipt-rangko on•jahani gimin aro palnanggijagipa tikitrangkoba on•piljahani gimin July-ni 24 tariko kal•atna tik ka•gimin chitti kal•aniko Pahamsyiem Village Council, dontongatna nangaha.
Pahamsyiem Village Council-ni dilgipa Jetwin Lyngdoh-ni u•iatani gitade, adita sak manderang, lottery tikitrangko palna ine tikitrangko bang•en ra•angaha indiba tikitrangko aro tangka paisarangko chimongani somoiode bang•a manderangan, an•tangtangni palgimin tikitni receipt-rangko aro palnanggijagipa tikitrangkoba council-ni dilgiparangna on•piljahani gimin ia tikit kal•aniko dontongatna nangaiaha.
Tikit aro receipt-rangni hisaprangko name ra•na man•jahani gimin ia chitti kal•aniko dontongatna nangaha ineba Lyngdoh aganaha.
Lottery tikit bregimin manderangna uamangni tangkarangko chu•gimikkon on•pilgen ine ku•rachakaniko on•atengon, ia tikitrangko galjachina aro tangka on•pilani somoio an•tangtangni tikitrangko mesokchina gita Pahamsyiem Village Council-ni dilgipa didiataha.
Na·simang iakoba nina man·gen:
Na·simang iakoba poraina man·gen: Indian theatre-ni namen mingsinggipa aro mande ra·ako man·gipa artist Ratan Thiyam a·gilsakko watanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
