Shillong, Dec 10: 2025 bilsini December 9 tariko, Meghalaya-ni Joint Directorate of Health Services, Rason Pavilion-o advance Christmas baksana Award on·aniko dakangaha. Ia tom·bimonganiko ong·atanio, dam 15 sanram biaprang National Quality Assurance Standards (NQAS)-ni on·gimin gita nama sana bananiko on·anina Award-rangko man·aha.
Iana agre, LaQshya, MusQan aro MABL Certification-ni ning·o nambate kam ka·giparangna dingtangmancha ge 5 award-rangko on·angaha.
Health Minister Wailadmiki Shylla, an·tangtangko on·kange kamrangko ka·ahanina healthcare worker-rangko rasong on·e aganan baksana a·dok sorkari namgipa sana bananiko komia damo aro darangni jak sokao ong·atna kamko ka·enga ine u·iataha. Iani gisepon, ua sana bananiko on·gipa dolrangko kakket ong·e apsan ku·mong nangrime kamrangko ka·angkuchina didiataha.
Commissioner & Secretary of Health Dr. Joram Beda aro NHM-ni Mission Director Ramakrishna Chitturi ia tom·bimonganio dongpae bak ra·angpaan baksana namgipa sana bananiko on·aniko ja·rikangkuchina u·iataha.
Bang·a a·gipibatgipa official-rang, a·jani health officer-rang, joint director-rang, medical superintendent-rang, doctor-rang, programme staff-rang baksana dingtang dingtang sanram biapo kam ka·giparangba ia tom·bimonganio dongpae bak ra·angpaaha.
2023 bilsio a·bachengatgipa JDQC dol, nama cha·ani ringanirang aro namdaproroaniko on·e jinmana sana bananiko namdapatna bilake kamko ka·enggipa dol ong·a.
Meghalaya-ni sana banani system-ko namdapatna sana bananiko on·gipa sakanti manderangni ku·rachakani baksa ia tom·bimonganiko matchotataha.
Na·simang iakoba nina man·gen:
Na·simang iakoba poraina man·gen: Bilsi sotbrini ja·mano, Assam uni matgrikrangna mande ra·ani ro·ongko songa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
