Shillong, Dec 10: Niam rongdiko janapgimin bilrangko jakkalna aro itihas-o galchipaniko man·anina minority tribal jatrang jekai Hajong, Koch, Rabha, aro Mann-rangna Regional Council-ko bikotna ine Regional Council Demand Committee (RCDC) Meghalaya-ni Governor CH Vijayashankar-ni dakchakaniko bi·aha.
“Regional Council-ko bikotaniko chinga raken dabia aro iani bidingo gisik nange kamrangko ka·china aro ma·sichakchina chinga nang·ko mol·mola,” ine Budbar salo Governor-na on·atgipa memorandum-o RCDC-ni chairman aro minister gitcham Dr KC Boro janapataha.
India-ni Niam Rongdik-ni Dok-gipa Schedule-o janapgimin niamrango pangchake aro janapgimin jatrangni chagrongenggipa neng·nikanirangko nike Niam rongdikni ning·ao Article 244(2) aro 275(1)-o janapgimin bilrangko jakkalchina RCDC Governor-ko mol·molaha.
“Chinga, Meghalaya-ni Minority Scheduled Tribe-rang, a·doko songdonggipa jatrang gitan namroro-silroroanio, mande ra·anichi janggi tangna ska. Chinga Regional Council-ko nangnika, uan chingni janggi tangani aro dal·roroani chol ong·a,” ine ua janapaha.
Ia janapgimin Regional Council 1,987 sq. km-mang dal·a aro sak 1,97,718-mang minority tribal-rang donga.
Meghalaya Indigenous Minority Tribals’ Forum-ni (MIMTF) bakrime dakchakenggipa ia memorandum-o janapgimin jatrangko itihaso galchipako man·e, ka·saninggija, aro kragija dake jakkalaniko man·aha ine janapaha. A·dokni ma·ambioni ong·bagenchimoba, ia jatrang poraia-skianio, janggi tangani gadango aro politics-o a·dokni mongsonggipa jatrangna bate ja·manchakaha.
Da·o dongenggipa reservation quota Garo, Khasi aro Jaintia jatrangko mikpakma nia, aro uamang chu·gimik 80% quota-ko man·e, minority tribe-rang, Scheduled Caste-rang aro gipin jatrangna 5%-kosan tikataha.
“Indake ong·anichi kosako janapgimin Minority Scheduled Tribe-rangna reservation-ko on·jaming apsanaia, aro ia jatrang a·doko lak 3-mang donga,” ine RCDC talataha.
2025-ni Reservation Roster policy-ko ra·gatanichi obostarangko namjabatroroate, minority tribal-rangna sorkarini ning·o kamrangko man·aniko rakbatatgen ine chanchisamsoenga.
Iana agreba, politics-oba ia minority jatrang namen kal·stekako man·a, chong·motan 2013 bilsio assembly constituency-rang minority tribal jolrangko minority status-ko on·nenba, ua somoioni dipetan Meghalaya Legislative Assembly-rango ia jatrangoni saksaba seokako man·kuja ineba RCDC matnangaha.
“Meghalaya Assembly-o sakgni Muslim MLA-rang donga, indiba chinga Minority Scheduled Tribe-rangde saksaba MLA dongja,” ine RCDC duk man·bee aro jajrenge aganangaha.
Uandake RCDC uamangni mol·molaniko knachakchina aro ia jatrangni galchipaniko man·anirangko namatna ja·kurangko de·china Governor-ko mol·molaha.
Na·simang iakoba nina man·gen:
Na·simang iakoba poraina man·gen: Christmas advance manianio, M’laya-ni dam 15 sanram biaprang award-ko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
