Shillong, July 5: Cabinet Minister aro local MLA Marcuise N. Marak, Meghalaya-o janggi tangani cholrangko namdapatanina, aro a·dokko ₹90,000-crore ($10 billion) economy ong·atna sorkarini on·kange kam ka·anirangna Sonibar salo Skotong Minister Conrad K Sangma-ko mitele aganaha.
Samanda C&RD Block-ni Ganingbibra-o District Horticulture Office-ni CM FARM+ outreach programme-o bang·a game cha·giparang, officialrang aro songni manderang bak ra·angaha, indake jinmana parake aganatengon, Meghalaya a·dokko a·songo nambatgipa a·dok dam-10rangoni damsa ong·na CM-ni niksamsoaniko mitele, game-ge·e cha·oni daka-rikaona, pilaknan man·gope dondikgija kamko ka·enga aro ia miksonganiko chu·sokatna pilak departmentrangan krenge kamrangko ka·china ge·etaniko man·aha ine Marak parakataha.
CM Farm+ko Chief Minister-ni Focused Rural Development Programme-ni ning·o a·bachengataha aro iano dam donggipa bosturang jekai dalchini, elaichi aro gulmoris-rangko ge·a-gamaniko dakna aro bang·bata tangka-paisarangko man·na game cha·giparangna dakchakna miksongenga. Iani ning·ao game cha·giparang namgipa rokomni bitchilrang, chararang aro uandakgiparang baksa, trainingrang aro tangka-paisani dakchakaniko man·enga.
“Nambatgipa rokomrangni bitchilrangko game cha·giparangna sualatenga. Uarang bite nangjokon, game cha·giparang tangka-paisarangko name man·gen, uamangni nokdangrangko name chalaina man·gen aro a·dokni janggi tangani gadangko tang·doatna man·gen. An·chingni game cha·giparang dal·roroon, Meghalaya dal·roroa,” ine Marak aganaha.
Una agreba, dingtang dingtang departmentrangna jekai horticulture, sorokrangko tariani (PWD), chi salani (PHE), lekka-pora, tourism, aro samtangtangko ripinganirangna sorkari-ni dakchakanirangkoba Marak janapaha.
Tura-o dingtang dingtang namdapatanirangko ra·baanikoba minister janapaha, jekai Additional Secretariat, jean a·doko sorkariko rikaniko namdapatna dal·gipa ja·kuko de·ani ong·a. “Manderang chona chona kamrangnaba Shillongchina re·na nangachim. Indiba da·ode ministerial officerang aro cabinet meetingrangko Tura-o dakna man·gnok, sorkari Garo Hills-ni manderangna sepangbatgnok,” ine ua aganaha.
Gitalgipa IAS officerrangba Tura-o kamko ka·na skaniko parakataha, aro ian sorkariko chalaianio namgipa chin ong·a ineba Marak parakataha.
CM FARM+ni namgnirangko janapengon, chasong gitalni ge·a-gamani bewalrangko ja·rike aro pale-sim·e cha·na ge·a-gamanirangko dake, game cha·giparangni man·anirangko changgnina batatna ine ia programme-ko tariaha ine Minister agana baksana, ia programme-ara bitchil sualanisan ong·aija indiba Meghalaya-ni songo donggipa manderangko bil gnangatna aro nokdangprakon silroro-namroroaniko ra·bana miksongani ong·a ine talataha.
Na·simang ia video-koba nina man·gen:
Na·simang iakoba poraina man·gen: Congress dol, tribal aro kangal cholgrigiparangko uamangni nokoniko a·rikgaljachina Assam-ni Gov-o didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
