Guwahati, July 11: Bristibar salo, Assam Pradesh Congress Committee (APCC)-ni President aro Lok Sabha-ni MP Gaurav Gogoi, Prime Minister Narendra Modi-na Barak Valley-o rama jal·ang aro relgari ramarang namjani a·sel re·rura·anio man·enggipa neng·nikanirangko namatna dakchakaniko on·china mol·mole memorandum-ko seataha.
Barak Valley-o ramarang aro relgari ramarang namjani a·selo lakh 40 mangni gita manderang re·rura·anio neng·nikaniko man·enga ine uni seatgipa memorandum-o janape seataha. Batanggimin bilsi 5-ni gisepo a·arang ruanichi, relgari ramarang nosto ong·anichi aro namgija rika cho·anirangko dakanichi Lumding-Badarpur relgari ramarango komibewaloba ming 7 mongsonggipa neng·nikanirang dongani a·sela relgari re·rura·anirangko baitaba antirangna dontongatako man·ronga ineba ua janapataha.
Sonapur, Jatonga aro Harangajao-o donggipa mongsonggipa National Highway-rang jekai NH-06, NH-27 aro NH-37-o a·a ruanichi aro a·a ning·o tarigipa chi-ramarang nosto ong·anichi neng·nikanirangko man·rongbata ineba ua u·iataha.
Iandakgipa namgija ramarang aro relgari ramarang namjani a·sel, a·jao tangka paisani gita tangdoanio neng·nikanirangko man·enga ineba Gogoi janapatengon, bading chiwalaniko dakgiparang iano koros ka·na sikja baksana iano songdonggipa manderang namgipa sana banani aro lekka pora bidako ra·anio neng·nikanirangko man·ronga ineba ua janapangkuaha.
Na·simang ia video-koba nina man·gen:
Na·simang iakoba poraina man·gen: Bilsi sokkugijagipa me·chik bi·sarangni kosako til·lekdraanina Boxing Coach saksako rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
