Dadenggre, May 3: West Garo Hills a·jani Dadenggre Civil Sub-Division ning·o donggipa dingtang dingtang songrango, salon chang 20-mang ong·pile bijoli sirongengani a·sel songni nokni manderang neng·nikanirangko chagrongna nangtokenga ine matnangengani gimin Sonibar salo Dadenggre-ni MLA Rupa M Marak, Dadenggre jolrango bijoli on·aniko nirokenggipa SAI Computers company-ni official-rang, songni Nokma Sanirang aro dingtang dingtang dolni dilgiparang baksa Tura-ni Circuit House-o tom·aniko ong·atangenba, kamrangko namdapatchina SAI Computers company-ni official-rangko ge·etangaha.
Jolo songdongenggipa manderangni u·iatani gitade, Dadenggre jolrango salantian chang 10-oni chang 20-mang ong·pile bijoli sirongengani a·sel dingtang dingtang kamko ka·enggiparang, mongsongbate poraienggipa chatro chatrirang, neng·nikanirangko chagrongna nangtokenga.
Dadenggre jolrango maming u·iatani gri salantian bijoli sirongengani a·sel jolo songdongenggipa manderang, neng·nikanirangko chagrongna nangtokenga ine badi ka·anirangko man·soahani gimin Sonibar salo Dadenggre-ni MLA, SAI Computers-ni official-rang baksa tom·aniko ong·ate sing·sandianirangko dakon, Dadenggre-ona salanggipa bijolini ostrorang nosto ong·ani a·sel bijoli sirongenga ine official-rang talataniko on·angaha. Nosto ong·gipa ostro aro line-rangko ta·raken tarichina aro Dadenggre jolrango songdongenggipa manderangna bijoli nambate on·china Marak, official-rangko didiangskaaha.
Mitam field worker-rang, transformer-rangko tarina songni nokni manderangoniko tangka gile ra·enga ine ia tom·anio matnanganirang ong·katahani gimin talataniko on·angengon, tangka gile ra·na gita darangnaba uamang bilko on·na dongja ine official-rang talataniko on·angenba, transformer-rangko tarina ba bijoli nosto ong·anirangko tarianioba tangkarangko on·jachina songni manderangko didiataha.
Badiaba badiaba nokdangrangna nangana bate bijolini bill-rang sokenga ine matnanganirang ong·katengani gimin chanchirimangskaengon, bill-rangko tarianio kamrangko nambatatna gita jotton ka·gen ine official-rang, ia tom·anio ku·rachakaniko on·angaha.
Na·simang iakoba nina man·gen:
Na·simang iakoba poraina man·gen: M’laya-o skanggipa changna Annual Health Survey-ko a∙bachengatnasia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
