Dadenggre, Jun 11: Dadenggre Civil Sub-Division ning·o, bijoli watani kamko SAI Computers Limited company jako ra·a intalan bijoli on·a tik ong·jaenga aro bill-rangba skangona gadanggni gadang gittam bate sokengani a·sel, bijoli jakkalenggipa manderang neng·nikanirangko chagrongna nangtokenga ine Dadenggre jolni manderangna bijoliko on·anio SAI Computers company-ko ra·gale, MePDCL an·tangan jako ra·taipilchina dabie, Dadenggre jolo songdongenggipa manderang, dingtang dingtang dolrang baksa nangrime Bristibar salo, jinma tom·bimonge re·jomaniko ong·atangaha.
Jinma re·jomaniko ong·atna skang, Dadenggre Bazar-o jinma tom·bimonganiko ong·ataha aro ia tom·bimonganio dingtang dingtang dilgiparang, jinmana aganprakengon, 2025 bilsini November jao, SAI Computers Ltd company jako ra·a intalan Dadenggre jolrango bijoliko on·anirang tik ong·srangjaha aro iani bidingo re·anggipa May-ni 2 tariko, Dadenggre-ni MLA Rupa M Marak baksa, Dadenggre Circuit House-o tom·e sing·sandianirangko dakangon, kamrangko namdapatna gita SAI Computers company-ni officer-rang, ku·rachake ra·angahachim indiba da·alonan maming namdapaniko nikna man·kujaenga ine matnangtokaha.
Dadenggre jolrango bijoli sisimengani a·selan da·ororo porikkana poraienggipa chatro chatrirangba neng·nikanirangko chagrongna nangtokengani gimin jolo songdongenggipa manderangni neng·nikanirangko namatna gita SAI Computers Ltd company-ko ra·galsrange, MePDCL an·tangtangan jako ra·pilna nangchongmota ineba ia tom·anio dingtang dingtang dilgiparang dabiangtokaha.
Iani bidingo jolni dilgiparang aro dingtang dingtang dolrang, a·dokni Chief Minister Conrad K Sangma-na memorandum-ko on·anggen ineba ia tom·anio dilgiparang parakataha.
Jinma tom·a matchotani ja·man, Dadenggre Bazar-oni Block sepango donggipa MePDCL office mikkang gita jinma re·jome jegalanirangko dakangtokaha aro ia re·jomanio, Dadenggre, Damal A·sim aro dingtang dingtang songrangoni bang·bea manderang, dingtang dingtang skulni chatro chatrirang, Nokma-Sanirang, budepa butchumarang aro gipinrangba bak ra·angtokaha.
Na·simang iakoba nina man·gen:
Na·simang iakoba poraina man·gen: Manipur-o dolsa manderang, Kamjong a·jani song damsako chadrapa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
