Guwahati, June 29: Sombar salo, Arunachal Pradesh-ni Lower Dibang Valley-o Dambuk songni nokmako man·chape, sak 9 jachange dongenggipa manderangko apsan nangrime am·sandianiko dakanio naljokatna man·aha. Sonibar salo, Dambuk sepango donggipa Sisiri chibimaoniko na·tok rim·miting somoio rang·san chi dal·baani a·sel sak 4 manderang jachange dongna nangaoni ia obosta a·bachengaha. Naljokataniko dakenggipa sak 7 member-rang uamangni jachange donggipa biapona ring-o re·angenba sak 3 na·tok rim·giparangko naljokatna man·ahachim, indiba 4-gipakode am·sandianiko dakoba man·jaha.
Re·bapilmiting somoio, naljokatgipa ring chi ta·rakprete jokonbaani a·sel bikpilaha, indake sak 5 manderang chio jroe katna man·enba naljokna gita man·ahaoba, sak 5-kode man·pakangaiaha. Naljokatgipa dol ja·mano sakgni manderangko chichangoniko, saksako chibimao boltongko rim·e dongako aro songni nokmako dingtang biapo jachange dongako naljokatna man·aha. Ia pilak manderangkon, National Disaster Response Force (NDRF), State Disaster Response Force (SDRF), jolni administration, Indian Air Force (IAF), aro songni manderangni dakchakanichi Sombar salo naljokatna gita man·aha.
Sonibar pringo ua saksan na·tok rim·na gita re·angahachim, unon rang·san Sisiri chibimani chi ta·rake ditdobaani a·sel ua jachange dongna nangao ga·akaha ine naljokata man·gipa songni nokma u·iataha.
Ua chi batsotna gita uni depantegipako mongmako rime re·bachina gita u·iatahachim indiba uan dakna amgijani ong·achim ineba ua agandapangkuaha.
Dambuk-ni MLA Puinnyo Apum, naljokatani kamrangko nirokna gita Itanagar-oni a·sel ong·gipa biapona sokbaaha. Ua naljokatani kamko ka·enggipa dolrang baksana songni manderang sakantikon uamangni jotton ka·anirangna de·mitelangengon, jachange donggipa sakantikon uamang naljokatna gita man·aha ineba ua u·iatangkuaha.
Na·simang iakoba nina man·gen:
Na·simang iakoba poraina man·gen: Assam-ni Dhemaji a•jao chi bananina rel gari re•anirangko dontongatchengenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
