Shillong, Apr 1: A•dok sorkarini deficit grant-rangko man•enggipa non-government skul aro college-rango skigiparangna provident fund scheme-ko Budbar salo Meghalaya Cabinet ra•chakangaha.
Iani bidingo, Cabinet tom•a matchotani ja•man kobor ra•timgiparangna talataniko on•angengon, Meghalaya Non-Government Schools and College Employees Centralized Provident Funds Scheme 2026-ko Cabinet ra•chakahani gimin sorkari ong•gijagipa skul aro college-rango skigiparangba provident fund scheme-ko man•gnok ine Chief Minister parakataha.
Ian deficit skul aro college-rango skigiparangna ong•gen ine talataniko on•angengon, je private skul aro college-rangan sorkarini deficit grant-rangko man•engachim, uandakgipa skul aro college-ni skigiparang provident fund scheme-ko man•gnok ine Chief Minister parakataha.
Assam-oniko man•rikgipa niamni ning•o iandakgipa skul aro college-rango skigiparangoniko adita tangka paisarangko kattiengachim indiba ia skigiparangni neng•takani somoio tangkarangko on•pilna gita scheme dongjani gimin da•alo a•dok sorkari, ia scheme-ko ra•gatskae, skigiparangna provident fund-ko on•na ja•ku de•skaaha ineba Chief Minister talataniko on•angaha.
Badita sak skigiparang ia namgniko man•gen da•o dipet aganna man•kujaenga ine janapatengon, chimonggimin on•gilgiparangko da•o skigiparangna sualna gita bimangko tarina nanggnok ine Chief Minister aganaha.
Na·simang iakoba nina man·gen:
Na·simang iakoba poraina man·gen: Digital Connectivity-ko namdapatna M’laya sorkari, Starlink India baksa LoI-o soi ka•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
