Shillong, Aug 8: State Level Subroto Mukherjee Cup 2022-o chee da•o September 6 tarikoni Delhi-o ong•atna sienggipa robol kal•susaanio Meghalaya a•dokni pal bakko ra•ena sienggipa Mihmyntdu RC EVE Secondary School-ni dolna Sombar salo, Jowai-ni MLA Wailadmili Shylla, gong 50,000 tangkarangko on•gilataha.
Ia Under-14 football team-na mande ra•pilskaaniko dakna gita Sombar salo dingtangmancha tom•aniko Mihmyntdu RC EVE Secondary School-o ong•atangaha aro ia tom•anio Jowai-ni MLA, jinmana aganprakangengon, bang•bata changon iandakgipa kal•susaanirango bakko ra•na re•angenggipa dolrangara obosta namkalgipa aro jillarango donggipa skulrangsa ong•achim indiba ia chango songadam nokadam jolo donggipa skulsa robol kal•susaanio bakko ra•na re•angenga aro uamangoni bang•bata kangal cholgrigipa nokdangrangonisa ong•a ine robol kal•susaanio bakko ra•na re•anggipa dolna an•tangni namgipa skaniko on•angaha.
An•tangtangni changa sapanirangko namdapatna gita rake kamko ka•chinaba ua skulni chatro chatrirangko didiangaha.
