Tura, Jan 21: Adita salrangna skang, West Garo Hills a•jani Rajabala jolo donggipa Goalgaon songo Dilseng M Sangma-ko so•otanio jak donggipa pilak manderangkon rim•gen ine West Garo Hills a•jani Superintendent of Police (SP) Abraham T Sangma, ku•rachakaniko on•angaha.
Da•o dipet ia a•selni bidingo police-rang sakchet manderangko rim•aha ine janapatengon, ia a•selo jak donggipa pilak manderangkon rim•na gita police-rang sandienga ine SP parakataha.
SP-ni parakatani gitade, rim•ako man•gipa sakchet manderangoni sakgnide niam gri quarry chalaigipa aro bol ratani karkanako chalaigipa manderang ong•a.
Sima jolrangko man•chape da•o dipet West Garo Hills a•jani pilak biaprangon tom•tomenga ineba ua aganaha.
Ia a•selni bidingo am•sandina gita Dadenggre-ni Sub-Divisional Police Officer (SDPO) RA Sangma-ni dilanichi Special Investigation Team (SIT)-ko songaha ineba SP parakataha.
Rim•a man•gipa manderangni mikkangrangko rongtale mesokchina social media-rango dabianirangna aganchakaniko on•angengon, Supreme Court aro High Court-ni dongimin niamrango pangchake, rim•a man•gipa manderangni mikkangrangko mesokna man•ja ine SP talataniko on•angaha.
Na·simang iakoba nina man·gen:
Na·simang iakoba poraina man·gen: Chang 54-gipa Meghalaya Day-ko Baghmara-o mania
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
