Shillong, Sep 8: Gambegre constituency-ni gital MLA aro Chief Minister Conrad K Sangma-ni jikgipa Dr Mehtab Chandee A Sangma, Sombar salo skanggipa changna Meghalaya Legislative Assembly-ni Autumn Session-o bak ra•angaha.
Autumn Session-ni skanggipa salo bak ra•angani ja•man kobor ra•timgipa manderang baksa agangrikengon, Gambegre constituency-ni pal ku•rang on•na gita Assembly-ni Autumn Session-o bak ra•pana man•e namen katchabea ine Dr Mehtab aganaha.
Assembly-ni gital membor ong•e, ua Assembly-ni kamrangko skie ra•engkua ine janapatengon, Assembly-ni chanchirimani aro jera ra•grikanirango bak ra•na skangba ua Assembly-o daka rikanirangko nie ra•chengengkua ine Dr Mehtab aganaha.
Politics-ni kamrango me•chikrangni bak ra•paani bidingo janapatskaengon, politics-o me•chikrangni bak ra•anirang namen komikuenga aro da•alo ua saksa me•chik ong•e, Assembly-o bak ra•pana man•engani gimin namen rasong chaa ine Gambegre MLA aganaha.
Re•anggipa 2024 bilsini November jao Gambegre by-election-ko ong•atanio ua, 12,678 vote-rangko man•e, Trinamool Congress (TMC)-ni Sadhiarani Sangma-ko 4,594 vote-rangchi amchepatenba, Gambegre constituency-ni MLA-na seokako man•aha.
Ia by-election-o Dr Mehtab-ni cheanichi Meghalaya Assembly-o National People’s Party (NPP)-ni bilkoba sak 32 membor-rangona tang•dodapataha.
Uni seokako man•anichi sak 60 membor donggipa Meghalaya Legislative Assembly-o me•chik MLA-rangkoba sakbriona tang•doataha.
Na·simang iakoba nina man·gen:
Na·simang iakoba poraina man·gen: EGH-o me•chik saksako attechi den•e so•otgipani inquiry matchotkujaenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
