Williamnagar, Sep 8: Re•anggipa July-ni 18 tariko, me•chik saksako uni mikchagitcham me•asani attechi den•e so•otgipa case-ko inquiry dakani matchotkujaenga.

Iako Sombar salo, East Garo Hills a•jani Deputy Commissioner, Garo Students Union (GSU) Eastern Zone Williamnagar-ni dilgiparangna, uko grongeani somoio parakataha.

Ia case-o kamtangtangko name ka•jahani gimin jak donggipa officer-rangni kosako rakgipa ja•kurangko de•china gita ua East Garo Hills a•jani Superintendent of Police (SP) aro Social Welfare department-ni Director-na seachi u•iataha ineba Deputy Commissioner, GSU-ni dilgiparangna parakataha.

GSU Eastern Zone-ni u•iatani gitade, ia me•chikko attechi so•otgipani inquiry report-ko bi•na gita uamang Deputy Commissioner-ko grongeahachim indiba inquiry matchotkujaengani gimin da•o dipet inquiry report-ko on•na man•kujawa ine Deputy Commissioner, uamangna aganataha.

So•ota man•gipa me•chikni nokdangna compensation ba tangka paisarangko gamskaani bidingo sing•on, ua an•tangan iako gisiko nange niatna Deputy Commissioner ku•rachakaniko on•ataha aro tangka paisarangni bidingo agangrikna gita so•ota man•gipa me•chikni nokdangko uko grongechina Deputy Commissioner aganataha ine GSU-ni dilgiparang parakataha.

So•ota man•gipa me•chikna aro uni nokdangna kakket bichalko man•e on•kujaskal kamko dontongkujawa ine parakatengon, ia me•chikko so•otanio dos donggipa manderangna rakbatsranggipa sastiko on•na gita GSU ia kamko jako ra•e ka•angkugen ine ku•rachakaniko on•ataha.

Na·simang iakoba nina man·gen: 

Na·simang iakoba poraina man·gen: Anganwadi kam ka·giparang, FRS-ko ra·galpilchina aro gipin nangnikanirangko on·china dabie jingjengata

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub

Download our app from playstore – Northeast Media Hub