Tura, Aug 23: Sukrobar salo, Ampati Degree College-ni chatro-chatrirang Field Publicity Office, Tura, Central Bureau of Communication, Ministry of Information & Broadcasting-ni ong·atgipa Swachhata Hi Seva, Ek Ped Maa Ke Naam aro Nasha Mukt Bharat Abhiyan-ni bidingo salsana mikratakani programme-ko ong·atanio bak ra·angaha.
South West Garo Hills a·ja-ara Bangladesh aro Assam-oni namen sepangbeani gimin drug-rangko badingsrukanirangko dakna altuae man·a aro uandake pekgipa bosturangko jakkalaniona sokna chadamberangna kengni donga ine Medical Officer, Dr. Matgrik Sangma parakataha. Iani bidingo District Mental Health Programme-oniko dakchakaniko am·china aro helpline numberrang- 9362749485 aro Tele-MANAS 14410-ona ka·atchina ua chatro-chatrirangko didiaha.
Drugs aro ta·makkurangko jakkalani kengnirang, sam-bolrangko ge·na nanganirang aro rongtal-an·talani gamchatanirangni gimin Vice-Principal aro skigiparang jinmana agan-ku·pattianiko on·e tom·aniko matchotataha.
Chatro-chatrirang ku·mikchetanirangko dakaha, letchu aro jambura chara-rangko ge·aha, rongtal-an·talatanirangko dakaha aro quiz competition-o bakko ra·aha aro bon·kamao boksis-rangko suale matchotaha.
Na·simang iakoba nina man·gen:
Na·simang iakoba poraina man·gen: SWGH-o Yaba Tablet-rang baksa sakgniko rim•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
