Shillong,July 21: Leader Of Opposition aro a·dokni gitcham Skotong Minister, Dr. Mukul M Sangma-ni matnanganina aganchakani gita, Education Minister Rakkam A Sangma, Meghalaya-o mongsongbate Garo Hills-o donggipa skul-rangko namdapatna gita pilak MLA-rang aro dilgiparangkon apsan kam ka·rimchina didianiko dakangaha.
A·doko relief fund ba ong·telaigipa obostarangni a·sel nangchakeako man·giparangna dakchakaniko on·a chamgimin tangka paisarang donggenchimoba, primary aro upper primary skul-rangni nosto ong·anichi man·enggipa neng·nikani aro skulo skigiparangni chu·onggijaniko a·dok sorkari nigalenga ine Dr. Mukul M Sangma matnangataha. Iana aganchakni gita, Education Minister Rakkam A Sangma, beben badiaba biaprango neng·nikanirangde donga ine ku·rachakengon, Dr. Mukul M Sangma-ni Skotong Minister ong·miting somoio ua skul ge·sakoba rika dongja ine sakantinan gisik ra·atpiltaianiko dakataha. Uni pagipa saksa private skulni skigipa ong·achim aro unomiting somoio us maming namdapaniko nikja ineba ua janapangkuaha.
Da·o ong·enggipa Skotong Minister-ni dilanio, a·doko donggipa hajalni hajal skul nokrangko riktaina aro taridapanirangko dakna kamrangko ka·enga ine Rakkam u·iatangaha. Ge 14,000-na bate poraichakram biaprangoni ge 3,000 ba 4,000 mangni gita skulrangko taridapani kamrang matchotataha aro 50% mangni gita skulrang ta·raken taridapaniko nanggiparang ong·a ine ua parakataha.
Iani gisepon, Rongara-Siju constituency-o donggipa ge 45 Ad-hoc aro SSA skulrangko ua an·tangan MLA scheme-ni tangkarangko skul geprakna lakh 2 prakko jakkale taridapanirangko dakangaha ine janapatengon, ua MLA sakprakkon apsankon dakchina didianiko dakatenba, bebe gita sakprakan bilsio ge 50 skulrangko jako ra·e taridapaniko dakatgenchim ong·ode bang·bea namdapanirangko nikna man·genchim ineba Rakkam ku·pattianiko on·angaha.
Uasan ong·aigija, ua MP-rang, MDC-rang aro gipin seoka man·gipa dilgiparangkoba jachipchang ra·ana agreba, skul nokrangko namdapatna an·tangtangni fund ba tangka paisarangko on·gilpachinaba ua didianiko dakataha.
Na·simang iakoba nina man·gen:
Na·simang iakoba poraina man·gen: EGH-o me•tra saksako so•otani bidingo magisterial inquiry-ko dakchina GSU dabia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
