Shillong, June 30: East Khasi Hills a·jani, Deputy Commissioner aro District Tourism Promotion Society (DTPS)-ni Chairperson, a·dokona biaprangko nina re·baani somoio songrebagiparang naljoke dongna man·an baksana a·bri doani somoio pilak a·sel ong·anirang ba gipin neng·nikanirangko champengsona gita, songrebagipa sakantikon a·bri doaniko dakon tourist guide ba rama dilgipako rimbitna nangchongmotaniko parakataha.
Batanggimin somoirango, Sohra-o Hungary-oni re·bagipa tourist saksani siani aro Indore-o bading chiwalaniko dakgipa Raja Raghuvanshi-ko so·otani jaman ia tik ka·aniko dakataha.
Hungary-oni re·bagipa tourist Puskas Zsolt’s-ni manggisiko re·angipa April jani 10 tariko, Tyrna songona dakanggipa galchipgimin rama gitchamoniko man·aha. Uni gimaani somoio ua saksan a·bri doaniko dakengachim.
Apsan daken, Raja aro Sonam-ba re·bapilnade ramako ma·sia ine aganenba Nongriat-osan rama dilgipako ra·angaiachim. Iano Raja so·otako man·genchim ong·oba, uamang baksa guide ba rama dilgipa donggenchim ong·ode uni janggiko naljokatna man·aba dongachim.
A·bachengo gimaenga ine chanchichipenggipa Raja-ni siani jamano, bang·a manderangan a·dokona a·bri dona re·bagipa tourist-rangko jolni rama dilgipa mandeko rimbitna nangchongmotani niamko ra·gatna sorkario didianiko dakataha. Uamangni bebe ra·ani gitade, rama dilgipa ko rimbitanichi iandakgipa obostarangko champengna man·an baksana songrebagiparangko naljoke rakkina gita man·gen.
Na·simang ia video-koba nina man·gen:
Na·simang iakoba poraina man·gen: Bilsi 16 ong·kuenggipa me·chik bi·sako drae til·ekanina pamong saksako rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
