Shillong, Dec 2: Shillong songjinmao damsa mingsingbegipa Elephant Falls-ko nirokenggipa aro jako ra•e chalaienggipa San Shnong Youth Welfare Organisation (SSYWO)-ni bilsi 25 gapaniko manianio, Meghalaya a•dokni Chief Minister Conrad K Sangma-ba bak ra•angaha. Ia tom•bimonganio, a•dokni Tourism Minister Timothy D Shira, Tourism department-ni official-rang aro SSYWO-ni membor-rangba dongpae bak ra•angtokaha.
Elephant Falls-ko nirokanio bilsi 25 gapahanina SSYWO-na an•tangni namgipa skaniko on•angengon, apsan kamna ku•cholsan ong•e kamko ka•gipa dolni chu•sokaniko nike namen katchabea ine a•dokni Chief Minister parakataha.
San Shnong-ni miksonganiara, song dambonga ong•a ine janapatengon, jekai jakpao jaksi ge•bonga apsan nangrime kam ka•ode bilakbate kamko ka•na man•a, apsan dake ia song dambonga ku•cholsan bakrimanichi aiao inmanbegipa kamrangko chu•sokatna man•a ine Sangma aganaha.
Meghalaya a•dokko billion dollar 10 economy ong•atna tikkele kam ka•anio a•dok sorkari, Tourism-ni kamrangko tang•doatna gita rake kamko ka•enga ineba Chief Minister aganaha.
SSYWO-ni mol•molani gita Elephant Falls-o manderangna a•pal re•chakani biaprangko Corporate Social Responsibility-ni ning•o rike on•na gitaba Chief Minister ku•rachakangaha.
Na·simang iakoba nina man·gen:
Na·simang iakoba poraina man·gen: CM’s Youth Engagement Program-ko Conrad a•bachengate on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
