Guwahati, June 8: Robibar salo, Herve Delphin-ni dilanio, chua gadango donggipa European Union (EU)-ni watatako man·giparang Indiani Salgro Salaram jolo bading chiwalani, tangka paisani gita dakchakani aro karkanarang baksa apsan bakrime kamko ka·ani cholrangko sandina Assam-ona salgnina re·baaha.
Ia watata man·gipa dol-o, ambassador-rang, a·gipibatgipa EU official-rang aro bading chiwalaniko dakgipa dilgiparangko man·chapa, indake uamang tangka paisani gita dakchakani, technology-rangko sualgrike jakkalani aro bakrime bading chiwalaniko namdapatani bidingo chanchirimaniko dakna Assam a·dokni Skotong Minister Himanta Biswa Sarma aro a·dok gipinni official-rangko gronganggen.
Una agreba, uamang Jagiroad-o rikenggipa India-ni skanggipa semiconductor karkana-onaba re·ange nianiko dakanggen, jeon “Made in India” ingipa computer chip-rangko tarigen.
Uamangni dol, “Blue Valleys : Building Ecosystems and Value Chains Between India and Europe” ingipa workshop-o dongpae bak ra·angan baksana Assam-ni skanggipa Blue Valley Cluster-ko a·bachengate on·anikoba nianggen.
Official-rangni aganani gitade, EU delegation-ni re·baaniara India-EU-ni gisepo apsan nangrime kam ka·aniko mangrakbatatan baksana Assam a·doko tangka paisani gita dakchakanirangkoba tang·dobatatgen aro Salgro Salaram jolo donggipa semiconductor-rang, jakkalpiltaina man·gipa bilrang, sana banani, bijolichi chalaigipa bosturang aro game ge·e man·gipa cha·ani ringanirangko ra·dona dakchakgen.
Na·simang iakoba nina man·gen:
Na·simang iakoba poraina man·gen: James K. Sangma, Rajya Sabha Election-na nomination file ka·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
