Shillong, Dec 7: Sonibar salo, Meghalaya a·doko tourism-ni gita namroro silroroatna miksonganio Fisheries, Tourism aro Agriculture Minister T. D. Shira, “Mountain Lake” project-ko North Garo Hills a·jani Katongre-o a·bachengate on·angaha.
Ia project-ko Pradhan Mantri Matsya Sampada Yojana (PMMSY)-ni ning·o 60% a·dok sorkari dakchakenga aro 40% ko beneficiary an·tangan on·gilenga. Ia ja·kuko de·anichi, na·tok milsi pe·na, ring chona aro nokdang tangtang baksa bakrimna cholko man·aniba ong·a. Ia project-ko Presdalline Momin, songo songgimin Committee-ni dakaniko man·e nirokaniko dakenga.
Ia project-ko a·bachengataniara songadam nokadamo janggi tangenggipa manderangna dingtanganiko ra·bagen ine janapengon, ua jolo donggipa manderangnaba janggi tanganina kamaie cha·na cholko man·gnok aro na·tokrangko ripinge rakkina cholko man·gnok ine Shira aganaha.
Indake, ia biapko rongtal an·tale rakkichina aro bang·a bolrangko ge·chinaba ua jolo donggipa manderangko didiataha.
Iarangna agreba, a·doko songdongenggipa manderangni namgnina on·enggipa scheme-rang jekai, FOCUS, FOCUS+ aro CM Elevate-ni giminba ua talate on·angaha.
Bajengdoba-ni MLA Pongseng R. Marak-ba, ia project-ara gimaangenggipa na·tokrangko ripinge rakkianio bilongen gamchatgipa ong·a ine aganaha.
Na·simang iakoba nina man·gen:
Na·simang iakoba poraina man·gen: Mizoram-ni Silchar-Sairang Railway line-ko a•bachengatna NRF ra•chake on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
