Dibrugarh, Dec 7: Assam Pradesh Congress Committee (APCC) Sukrobar salo a·dok gimiko “Raijor Podulit, Raijor Congress”-ko oprakenba, re·baenggipa Assembly election-na skang manderangni nangnika gita manifesto-ko tarina aro manderangni nangnikanirangko u·ina inenba ‘Aspirational Boxes’-ko a·bachengate on·angaha.
Ia campaign-ko Dibrugarh-o, party-ni dal·dalgipa dilgiparang, songni dingtang dingtang dolrang aro songo-noko donggipa manderangni mikkango oprakaniko dakangaha. APCC-ni President Gaurav Gogoi, Manifesto Committee-ni Chairman Pradyut Bordoloi, Senior Vice President Pranati Phukan, gitcham minister-rang Prithvi Majhi aro Paban Singh Ghatowar, aro District President Bipul Rabha ia campaign-ko a·bachengate on·angaha.
Assam-ni Salaram-oni bang·a dolrang—jekai Asom Chah Karmachari Parishad, Indian Red Cross Society, Lion’s Club Dibrugarh, All Assam Small Tea Growers Association, Koch Rajbanshi Sammelan, Assam Bar Association Dibrugarh, Tai Ahom Yuva Parishad, Sonowal Kachari dolrang, aro bang·a chadamberang, cha ge·giparang aro jatni dingtang dingtang dolrang ia oprake on·anio bak ra·angaha.
Congress dol, Assam-ni pilak jatrangni nangnikanirangko chu·sokatna kam ka·gipa manifesto ba miksonganirangko tarina jotton ka·gen ine Manifesto Committee-ni Chairman Pradyut Bordoloi jinmana parakataha. “Ia miksonganirangara election-nasan ong·ja; mikkangchinasa ong·a, Chinga manderangni ku·rangko knaatna aro orto gnange uamangni pal kam ka·aniko dakna nangnika,” ine Bordoloi aganangaha.
Una agreba, Congress-na kam ka·giparang dingtang dingtang dolrangni manderangko gronge uamangni neng·nikanirang jekai tangka-paisa, kam ka·ani, chadamberangni janggi tangani aro janggi tangani gadangrangni bidingo am·sandie ra·gen ine ua agandapaha.
Oprake on·ani somoio, APCC-ni dilgiparang dingtang dingtang jatrangni dolrangko gronge kamrangni bidingo aro songo-noko donggipa manderang baksa bakrimaniko bilakbatatani cholrangni bidingo sing·e ra·anirangko dakangaha.
Congress dolrang Assam gimiko an·tangni party-ko dal·dapatna kam ka·enga, uandake November 30 tariko cha bagan jolrango health camp-rangko aro uni ja·mano December 6-oni a·bachenge nokantichi re·e gronganirangko dakenga ine APCC-ni President Gaurav Gogoi aganangaha.
Decemberni bon·angachipak, APCC team-rang—dol bonga (5) Regional Grouprang dake bak ka·e—Assam-ni Salaram, jangchi, Saliram, Barak Valley aro a·brini a·jarangona re·anggen. Uamang game cha·giparang, hajira ka·giparang, contractor-rang, chadamberang aro songsarni gipin dolrang baksa agangrikanirangko dakanggen.
“Chinga pilak gadango janggi tanggipa manderangko gronge uamangni obostarangko ma·sie ra·na ska,” ine Gogoi aganangaha.
“Da·oni sorkari Rajani sason gita chacha dong·a – Dispur-ni raja an·tangni nangnika gita daka. 108 ambulance-rang ba polytechnic-rangba chonchongipa obostarangnan kam dontongataniko man·a. Chinga manderangna dangdike on·na ska, uamangko sason ka·na sikja,” ine ua agandapaha.
Opposition dolrang, November 12-o bakrimani tom·aniko ong·atani ja·mano, January ja-o tom·rimaniko dake Assam-na damsan niksamsoanirangko mesokna manchienga ineba Gogoi aganangaha.
Re·baenggipa antirango, Congress worker-rang booth, mandal aro dingtang dingtang a·jarangni mande bang·gipa biaprang jekai antidamrang, community hall-rang, cha bagano hajira ka·giparangni donggiparang, bus stop-rang, kal·chakram biaprang aro skie ra·chakramrango ge 4,000-na baten Aspirational Box-rangko dongen, jeon manderang an·tangtangni nambatatna nangnikenggipa obostarangko see chipatna man·gen.
Ia cholko a·bachengataniara Assam-o bang·a neng·nikanirangko chagrongengmiting somoio ong·a, jekai chi banani grigipa a·ja ong·atgen ine ku·chakaniko chu·sokatgijani, cha bagan-o kam ka·giparang uamangna ku·rachakgimin tangka-paisarangni palo Rs 250-ko man·kuengani, jat ge dok-na (6) ST status-ko on·kugijani, bang·a ma·giparangni bi·sa an·pakani somoio siani, bi·sarangko rim·sruke ra·angani obostarang, songo-noko sanna-banani cholrang chu·onggijani, bang·a bi·sarangni skulo poraianiko dontongani, aro mande-matburungni gisepo meli-nangrimgijanirang.
AICC-ni General Secretary aro APCC-ni in-charge Jitendra Singh a·dok gimiko ia kamrangko ka·anirangko nirokatgen. Ia campaign-ni mongsonggipa miksonganiara “Manderangni Manifesto”-ko tarian, chong·motan manderangni neng·nikanirang, ka·donganirang aro miksonganirangna kam ka·na ine ong·a ie Congress-ni dilgiparang aganangaha.
Na·simang iakoba nina man·gen:
Na·simang iakoba poraina man·gen: Fisheries Minister, Mountain Lake project-ko NGH-o oprake on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
