Tura, Jan 17: Father Benoy Joseph saksa Catholic ma·malni kamal ong·a jean giljani kamrangkosa ong·aigija, Garo Hills a·jani ning·tugipa songrango jeon man·gnirang donggijagipa, kamrangko man·a neng·a aro bazaar anti cha·anirang namen komibea, uandakgipa songrango janggi tangenggipa manderangna kam ka·e on·aha aro ua song nokrango bang·a dingtanganiko ra·baaha.
Fr. Joseph, Tikrikilla-o donggipa Muktidata Multi-purpose Cooperative Society-ko 2015 bilsio a·bachengatgipa ong·a. Ian chonbegipa a·bachengani ong·genchimoba da·alo Garo Hills a·jao game ge·e cha·giparangna, me·chikrangna aro chadamberangna mangrakgipa dakchakaniko on·skaengaha ine nikna man·a.
Ia Cooperative-ni gita, an·tangtangko tarina, bang·bata tangka paisarangko kamaina aro gipinrango agre pangchakbregija ja·tangchi chadengna man·a Fr. Joseph dakchakaha.
Jemangan Fr. Joseph-ni gimin u·ia, songsalonin namroro silroroaniko ra·bana nanga ine uamang bebe ra·a. Ua mongsongbate bakrimaniko, an·tangan an·tango pangchakaniko aro kam ka·anio kakket ong·aniko namnikbata aro uni dilanichi, Muktidata ge·sa ka·dongna man·gipa platform-ba ong·aha.
Indake, Fr. Joseph-ni on·gilgiparangoni me·chikrangko bil gnangatanian mingsa dal·batgipa on·gilani ong·a.
Ia Cooperative, me·chik dolrangko aro Self-help Group-rangko bikote chonchongipa badingchiwalanirangko dakenba tangka paisarangko kamaina dakchakaha. Bang·a me·chikrang jemangan an·tangna kamaiani cholrangko man·jachim, uamang da·alo tangka paisa kamaie, uarangko chimonge nokdangtangtangna dakchakaniko on·a man·enga aro ian uamangni nokdangna aro songtangna mingsa ka·donganiba ong·a.
Uasan ong·aigija game ge·e cha·enggiparangba, ia Muktidata-ni gita sam brina gri ge·a gamaniko dakna aro ge·a gamani cholrangko sakgipinrangnaba u·iatskana dakchakaniko man·enga aro ian uamangni ge·a gamanio namdapatna dakchakaniko on·enga.
Muktidata-ni dakchakanichi, Tikrikilla block ning·o ga·akgipa songrango ge·gipa anarosrangko ‘Meghalaya Collective’-ni gita gipin biapchina watatna man·enga aro uasan ong·aigija, sam brina gri ge·gipa holdi, e·ching, gulmoris, aro biterangoniko tarigipa bosturangkoba kraa damo pale sim·e cha·na cholko man·paenga.
Fr. Joseph, tangka paisa kamaianio aro ge·a gamaniosan bakko ra·e kam ka·aha ong·aija indiba, Muktidata-ni gita lekka pora skianiko ra·ani, an·seng baljoke dongani aro songsalo dakna nanggni kamrangni bidingoba mikrakataniko on·aha. Iarangchin bang·a chadamberang didiatako man·e dilgipani kamrangko jako ra·e kam ka·enga aro A·chik jatni dakbewal rikbewalrangkoba mande ra·e ripinge rakkianio jak on·e dangdike on·enga.
Uarang baksana, a·ani bilko chel·chake rakkiani, kamrangko ong·katatani aro me·chikrangko aro me·chik bi·sarangko mande ra·aniko tang·doatani campaign chong·motan “Save Land, Save Job, Save Daughters” Campaign-koba ong·ataha.
Fr. Benoy Joseph-ni ka·sine ka·gipa kamrangchi Garo Hills a·jao namen dingtanganiko ra·baaha. Indake ia kamrangni giminan Muktidata, North East Regional Cooperative Excellence and Merit upadi-ko 2022 bilsio man·aha.
Na·simang iakoba nina man·gen:
Na·simang iakoba poraina man·gen: Dilseng Sangma-ko so•otani bidingo sakgni manderangko rim•dapa; chu•gimik sakchet ong•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
