Tura, July 27: NOMADS Film-ni dakchakachi Gregory Allya Warjri-ni tarigipa documentary film- “A·chik Kol – The Uncharted caves of South Garo Hills”, Belo Horizonte, Brazil-o ong·atgipa chang 19-gipa mingsinggipa International Congress of Speleology-ni Professional Category-o skanggipa ong·e cheaha.
Ia tom·anio a·gilsak gimikni dingtang dingtang biaprang ba a·songrang jekai jekai Brazil, Australia, Lebanon, Argentina, Hungary, France, Spain, Slovenia, Czech Republic, aro Switzerland-oni rong·kolrangni gimin nambee tarigimin, ge-17 professional aro ge-16 amateur, documentary film-rangko mesokaha.
Core Geo Caving Expedition 2024-o Garo Hills-o tarigipa A·chik Kol film-o, a·gilsakni dingtang dingtang rong·kolrangko nape nigiparang, scientistrang aro biaptangni manderangni rong·kolrango napanirangko mesoka. Ia rong·kolrango napani mongsonggipa bak-ara ro·ong pil·gimin chengoni timi na·tokko nikanian ong·a.
Ia film a·gilsakni dingtang dingtang bakrangoni manderangona sokangaha aro uandake uko: Hidden Earth UK Caving Conference – Sept 2024, Le Festival des Voyageurs d’Ici, Switzerland – Nov 2024-o mesokangaha.
Mikkangchini chasongna u·ina skatani aro aiao inmananiko ra·bana inenba, ia filmko Shillongo chatro-chatrirangna aro manderangna mesokanggen.
“Chinga Core Geo Expedition-ko bikotgipa Thomas Arbenz aro Ayush Singh-ko mitelna ska, aro Brazil-o ia filmko mesokanina aro a·gilsakni namgipa gadangrango chingko mesokanina Jean Marc Jutset-ko aro Roman Hapka-ko mitela,” ine NOMADS Film parakataha.
Una agreba uamang Iainangsan Warjri, Lovingstar Khongkai, Derric Lyndem, Dalariti Nongpiur, Benji Syiem aro Sunny Dohling baksana Tudor Tamas, Core Geo team aro Expedition team, District Administration, Nokma-rang, local guide-rang aro A·chik Cavers Exploration Society, Tolegre aro Nokatgre-ni manderang, traditional artist-rang, TMPRO Recordings aro Meghalayan Age-ko mitelaha.
“Ia chu·sokaniara Meghalaya-ko global speleological map-o donatanisan ong·aija indiba a·doko a·ningni gam-jinrang, golporang aro rong·kolrangko nape sandianirangko mesokani ong·a”, ine uamang parakdapataha.
South Garo Hills a·jani Milton Manda Sangma aro Salban Manda Sangma ia rong·kolrangko napanirangko dakaha aro uamang sakgni, India-ni a·paloni re·bagipa mande saksa baksa ro·ong pil·gimin timi na·tokko nikaha.
Na·simang iakoba nina man·gen:
Na·simang iakoba poraina man·gen: Kargil War-o guli rong-18 nanggipa Digender Singh an·tangna ong·giminrangko gisik ra·atpila
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
