Rongram, Nov 15: Meghalaya-o coffee badinganiranko namdapatna, All Garo Hills Multipurpose Cooperative Society (AGHMPCS) Meghalaya Basin Management Agency (MBMA) aro Coffee Board of India baksa bakrime West Garo Hills-ni Rongram Block-ni ning·ao donggipa Aguragre songo profit-sharing aro farmer mobilisation programme-ko ong·atangaha.
Ian coffee-ko ge·anichi aro palna-sim·na tarianichi man·gipa tangka-paisarangko songo donggipa game cha·giparangona sokatna nangchongmotgipa cholko a·bachengatani ong·a.
Garo Hills-o coffee-ko tarianirang ka·sine ka·sine dal·rorobaengon, cooperative-rang aro dakchakenggipa dolrang namgipa, donnuani grigipa aro game chagiparangni dilanichi pala-sim·anirangko dakani cholrangko ra·bana krenge kamrangko ka·enga. Re·anggipa bilsio AGHMPCS-ni a·bachengatgipa profit-sharing initiative, coffee ge·giparangna pala-sim·ani damrangko kraa gita on·anichi game cha·gipa nokdangrangko bil gnangatna dakchakenga.
Tom·aniona mongsonggipa sokgipa ong·e re·bae jinmana parakatengon, Coffee Board, Tura-ni Senior Liaison Officer Yapi Haji, game cha·giparang baksa bakrimna aro donnuani gri kam ka·na gitalgipa cholrangko ra·gatanina cooperative-ni manderangko mitele aganangaha. Society-ni pangkamgipa cholrangko ra·bana aro coffee-rangko bang·a man·gnirangko ra·bana niksamsoanirangko AGHMPCS-ni Secretary Fr. Sunny Joseph Mavelil talate on·angaha.
Ia tom·bimongani mongsonggipa bak-ara sak 11 coffee ge·e cha·giparangna, uamangni gisik nange coffee ge·anina aro nambata ge·ani bewalrangko ranta ka·china didina ine ₹1,50,000-ba baten tangkarangko sualatanian ong·aha. Cooperative-rangoniko an·tangtangni laprangko man·anichi uamangko nambate game cha·na, nambata rokomni coffee-ko tarina aro an·tangtangni ge·a-gamanirangko nambate nirokna didianirangko man·a ine game cha·giparangba parakataha.
Ia tom·bimonganio Producer Group (PG) mobilisation session-koba ong·atangaha, jeon ge·a-gamani biaprangko dal·batatna aro bang·bate dakna, gisik nange kam ka·enggipa PG-rangni gita coffee bitchilrangko sualangaha. Coffee Board, MBMA, aro AGHMPCS-ni gita mikkangchi re·baenggipa scheme-rang, support programme-rang aro bading-chiwalani cholrangni gimin official-rang game cha·giparangna talate on·angaha. Coffee ge·anirangko nambate dakangna aro damrangko tik ka·ani, namgipa coffee-ko tariani aro bading-chiwalaniko bilakbatatna man·a ine namedake bakrime kam ka·na ine miksonganio ia session-ko ong·atangaha.
Re·anggipa 2024 bilsio Oragitok-o ia tom·bimonganiko ong·aton, AGHMPCS sak 16 game cha·giparangna Lak 1 tangkarang-ko sualatangaha – ian skanggipa changna Garo Hills-ni cooperative society-ni man·gimin laprangko uni memberrang ba sualatani ong·aha. Iako a·bachengatanina game cha·gipa dolrang namen kusi ong·beaha aro ian ge·a-gamanio nambate donnuani gri, game cha·giparangni dilanichi re·mikkangna cholko mesokaha.
Aguragre-o tom·bimonganio bak ra·gipa game cha·giparang cooperative-ni gisepo ka·dongani aro gisik nangbataniko on·aha ine uamang aganaha. AGHMPCS, MBMA, aro Coffee Board-ni dakchakanichi, Garo Hills-o coffee ge·anian mikkangchide mongsonggipa janggi tangani chol ong·gen ine bang·a manderangan ka·dongsoenga.
Na·simang iakoba nina man·gen:
Na·simang iakoba poraina man·gen: Boko Jawaharlal Nehru College-o gital rikgipa boys hostel-ko nokdonggae on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
