Tura, April 16: Election Department-ni, Tikrikila-o niamrangko rakkina re•anggipa flying squad team-rangko ma•sina man•gijagipa manderang sombar walo chadrapaha jeon flying squad team-ni magistrate adita mata buanirangko man•aha.
Tura Lok Sabha seat-na campaign ka•anio ian skanggipa so•so jengjeng ong•ani ong•enga.
Sombar attamni bako, TMC dolni Zenith M Sangmana campaign ka•ae tomaniko ong•atangaha, indake iako nirokaniko dakna uamang re•angahachim, tomani matchota jaman walni 9:30 ba 10 baji mango ia obosta ong•aha.
“Ia tomani maming nengnikani gri tom•tome Tikrikila bazar-on matchotahachim aro iano bakko ra•gipa pilak manderangan re•angtokahachim, indiba chinga unon dongrikaiaha maina saoba kragija kamrang ba niamrangko peode uan chingni nirokani ong•achim. Uno chacha, sakbonga manderang ma•sina man•gijagipa manderang andalgipa biaponi re•baenba chingko chadrapaha,” ine Adinson Ch Momin aganaha jean chadrapako man•e mikkang an•chirara dakaha.
Aganani gitade, ia manderang, basakoni chadrapna senge dongengachim indiba maming cholko man•jaengachim ine chrik a•bokanirangko dakaha.
Ia chadrapanio, Adinson Momin, jachipchang ra•timgipa aro police constable saksa dong•achim.
Uamang pekgipa manderang ong•achim aro jensalo duty-o donggipa constable saksa angko dakchakna re•baaha unon uamang biaponi katangaha, ine Adinson Ch Momin, Tikrikila police-na aganangaha.
“Iano maming dakeba dolsa dolgipin baksa nanggrikanirang dongja aro iano darang political party-rangba bak dongja,” ine Momin u•iataha.
Na·simang ia video-koba nina man·gen:
Na·simang iakoba poraina man·gen: Shillong-ni gitchamgipa Traffic System-ko gital dake nirokna nangtaienga aro ‘One Way ‘ ramarangko tarina nangkuenga: DC EKH
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
