Tura, Mar 2: Kamgri ong•e dongenggipa chadamberangna, kam ka•e cha•ani cholrangko mesoke on•na gita ia March jani gisepo, Meghalaya State Skills Development Society (MSSDS)-ni gnigipa recruitment drive-ko Garo Hills-ni pilak a•jarangon ong•atenga ine u•iataha.
Ia recruitment drive ba kamna seokani program-o bak ra•giparang maming tangka paisa gri indin bak ra•na man•gen ine u•iatengon, MSSDS-ni skanggipa recruitment drive-o je candidate-rangan, an•tangtangni bimingrangko segatahachim, uamangde ia gnigipa recruitment drive-o bimingrangko segattaina nangjawaha indiba ia recruitment drive-ko ong•atani biap aro kam on•enggipa dingtang dingtang company-rangni bidingo u•iatanirangko nijringchina gita MSSDS-ni official-rang didiataha.
Ia recruitment drive-o Class 10, Class 12, ITI, diploma course-rang aro graduate ong•gipa pilakan bak ra•na man•aigen.
East Garo Hills a•jao ia recruitment drive-ko March-ni 6 tariko, Samanda C&RD Block office-o aro March-ni 10 tariko Songsak C&RD Block office-o ong•atenga aro iani bidingo talbate ma•sina sikenggipa manderang, 8014140721 nomborona ka•e sing•sandiatna man•gen.
North Garo Hills a•jao ia recruitment drive-ko March-ni 11 tariko, Kharkutta Reserve Gittim Community Hall-o ong•atangskagen aro iani bidingo talbate ma•sina sikenggiparang, 7005194300 nomborona ka•e sing•sandiatskana man•gen.
South Garo Hills a•jao ia recruitment drive-ko March-ni 9 tariko, Chokpot Block office-o ong•atangskagen aro iani bidingo talbate ma•sina sikenggiparang, 6009597258 nomborona ka•e sing•sandiatna man•gen.
South West Garo Hills a•jao ia recruitment drive-ko March-ni 10 tariko, Mahendraganj-ni Acheng Rangmanpa College-o ong•atanggen aro iani bidingo talbate ma•sie ra•na gita 7085292475 nomborona ka•e sing•sandiatna man•gen.
West Garo Hills a•jaoba ia recruitment drive-ko March-ni 3 tariko, Tikrikilla Old Block Office-o, March-ni 5 tariko Phulbari Shyamnagar Community Hall-o, March-ni 7 tariko Rajabala Higher Secondary School-o aro March-ni 9 tariko Tura-ni Chandmari-o donggipa Bakdil Office Conference Hall-o ong•atangskagen. West Garo Hills-ni candidate-rang talbate ma•sie ra•na gita 7005162346 nomborona ka•e sing•sandiatskana man•gen.
Na·simang iakoba nina man·gen:
Na·simang iakoba poraina man·gen: MDC Rinaldo Sangma, MLA Mominin-ko Sixth Schedule-ni miksonganiko mande ra·china u·iata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
