Tura, Aug 25: Garo Hills Autonomous District Council (GHADC)-o kam ka•giparangna ja 43-ni dormaharangko on•na man•kujaengani gimin aro Tura Medical College-ko Public-Private Partnership (PPP)-ni gadango chalaina sorkarini miksongenganiko jegale Sombar salo, Garo Hills-ni dingtang dingtang dolrang, 12:00 bajioni 2 bajiona Garo Hills gimikon dokkanrangko kontagnina chipattokaha.
Dokkanrangko chipatanio, autorickshaw-rangba re•ruraaniko dontongattokaha aro uandaken Garo Hills gimikon, mongsongbate Tura songjinmao kontagninade kamrang dontongatako man•aha.
Ia jingjengataniko Garo Hills-ni dolbonga NGO-rang, chong•motan A•chik Youth Welfare Organization (AYWO), Federation of Khasi Jaintia & Garo People (FKJGP), Garo Students’ Union (GSU), Association for Democracy and Empowerment (ADE) aro Federation for A•chik Freedom (FAF) dolrang ong•ataha.
GHADC-o kam ka•enggiparangna ja 43-ni dormaharangko ta•raken on•china aro Tura Medical College-ko PPP-ni gadango chalaina tik ka•aniko ra•galpilchina dabie NGO-rang, Garo Hills gimikon dokkanrangko aro bading chiwalanirangko kontagnina dontongataha.
Iana skangba NGO-rang, Garo Hills-ni dingtang dingtang biaprango, mongsongbate Tura songjinmao poster-rangko tape, jingjengataniko dakangskaaha.
Na·simang iakoba nina man·gen:
Na·simang iakoba poraina man·gen: NEWES me·chikrangko bil gnangatani aro gisikni an·seng-baljokanina Guwahati-o tom·aniko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
