Shillong, Mar 16: Sombar salo, Meghalaya Cabinet tom•e chanchirimangenba, da•o ong•enggipa Garo Hills Autonomous District Council (GHADC)-ni term-ko April 18 tarikoni a•bachenge, jadokna ra•dodapatna tik ka•angaha.
Iani bidingo kobor ra•timgiparangna parakatengon, GHADC-ni term-ko ra•dodapatna skang Cabinet name chanchichengaha aro pilakni gitan nigopate, GHADC-ni term-ko April 18 tarikoni October 18 tarikona jadokna ra•dodapna tik ka•angaha ine Sombar salo, a•dokni Deputy Chief Minister Prestone Tynsong aganaha.
GHADC-ni Chief Executive Membor (CEM) Albinush R Marak, kamtangko wataha ine janapatengon, ja•mano GHADC-ni membor-rang, Dhormonath Ch Sangma-ko GHADC-ni gital CEM-na seokskaaha ine Tynsong parakataha.
GHADC-ni gital Executive Committee-ko songahani gimin council-ni mongsonggipa kamrangko council-ni dilgiparangnan sorkari pakwatanggnok ineba Tynsong aganaha.
Ia gital Executive Committee, GHADC election-o Tribal ong•gijagipa manderang susana man•ama man•jawa, election-o susana Scheduled Tribe (ST) certificate-ko nangama nangjawa, an•tangtangan chanchirime kamrangko ka•anggnok ineba Deputy CM aganaha.
GHADC-ni term-ko ra•dodapahani gimin da•o GHADC-ni gital election-ko ong•atna skang, matchotgija dongenggipa kamrangko matchotatna chol ong•gnok ine ka•dongsona man•enga.
Na·simang iakoba nina man·gen:
Na·simang iakoba poraina man·gen: 2026-ni Assam Assembly Election-ko salsanon ong·atanggen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
