Tura, Sep 18: Garo Hills Autonomous District Council (GHADC)-o kam ka•giparangni man•na nangkuenggipa dormaharangoni ja 10-ni dormahako on•chengna Bristibar salo GHADC-ni Executive Committee parakataha.
GHADC-o kam ka•giparangna ja 10-ni dormaharangko on•chengenba, ja•mano bangki man•gnirangkoba changgittam dake on•na EC-ni Secretary parakataha.
November 1 tarikonide jaantian Council-o kam ka•giparangna dormahako on•anggnok ine u•iatengon, GHADC-o kam ka•giparang pilakkon kamtangtangona re•bapilchina GHADC-ni EC didiataha.
Indake ong•engon, Bristibar salo, sorkarini songe on•gipa sub-committee, GHADC-ni MDC-rang baksa Tura Circuit House-o tom•enba, GHADC-o chagrongna nangenggipa neng•nikanirangko namatna sorkarini on•enggipa dakchakani bidingo aro kam ka•giparangna ja 44-ni dormaharangko on•ani bidingo chanchirimangaha.
GHADC-o kam ka•giparangna dormaharangko on•anio chagrongna nangenggipa neng•nikanirangko namatani bidingo aro district council-o kam ka•giparangna November 1 tarikoni a•bachenge dormaharangko on•an baksana sorkarini dakchake on•na miksongenggipa gipin kamrangni giminba ia tom•anio chanchirimangaha.
Sorkarini songe on•gipa Sub-Committee, dingtang dingtang dolrang baksaba tom•e, uamangni nangnikani aro ku•pattie on•anirangko ra•na miksongenga.
Na·simang iakoba nina man·gen:
Na·simang iakoba poraina man·gen: Assam-M’laya-ni tourist taxi association-rangni kajia-golmalni a·sel tourist-rang jachanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
