Shillong, Sept 18: Meghalaya aro Assam a·dokrangni tourist taxi association-rangni gisepo kajia-golmalrang namjabatroroengaha, uandaken Assam a·doko blockade-ko ong·atani a·sel ritcha-ni ritcha manderang Bristibar salo Jorabat-ni sima ari-o jachange dongna nangaha.
Ia antini a·bachengao, All Khasi Meghalaya Tourist Taxi Association-ni (AKMTTA) manderang dingtang dingtang biaprang jekai Umtyngngar-o Assam-ni tourist taxi-rangni napbaaniko champengsoaha aro Shillong-na agre tourist-rangni re·ronggipa biaprangchi salangna on·jaha. Assam-ni taxi-rangni a·dokona jebasi napbaanichi Khasi Hills-ni taxi salgiparang namen neng·nikanirangko man·enga ine association-ni manderang janapaha.
Assam-ni transport union-rangba apsandake Meghalaya-ni tourist taxi-rangko Assam-ni mongsonggipa biaprang jekai Guwahati Railway Station, Lokpriya Gopinath Bordoloi International Airport aro Assam-Meghalaya-ni sima ari Jorabat-o champengsoaha. Iani a·selo ritcha-ni ritcha manderang aro tourist-rang jachange dongna nangaha.
Jegalaniko dakenggipa dolrang gitcham Education Minister Rakkam A. Sangma-ni gari-koba re·na on·jae kajia-golmalrang batroroaha. Ja·mano Assam Police-ni dakchakanichi uni gari re·angna man·aha.
AKMTTA-ko Assam-ni gari salgipa dolrang baksa damsan tom·e chanchirimanirangko dake neng·nikanirangko namatchina Meghalaya-ni gitcham Tourism Minister Paul Lyngdoh didienba, ru·uta somoirangna garirangko champenge donode a·dok damgnini tourism-on neng·nikanirangko man·gen ine aganaha. Iani gisepon, Meghalaya-o Reciprocal Transport Agreement aro gital transport agreement-ko ra·gatchina AKMTTA dabienga.
Uandake, Assam-ni garirangko champenganirangko dakangkuode, rakbate ja·ku de·anirangko dakanggen ine Assam-ni taxi association-rang mikrakataniko on·ataha. Meghalaya Tourism Development Forum (MTDF) aro a·dok sorkari-ba AKMTTA-ni kamrangni a·sel Meghalaya-o tourism-o pangchake janggi tanggiparangna namen neng·nikaniko on·gen ine janapangaha.
Obostarangni namrorogijani a·sel tourist-rangni aro manderangni a·dok damgnini gisepo re·ruraanina neng·nikaniko on·enga. A·palchini re·bagipa adita dolrang re·angpilna nangaha, aro ia obostarangko namatjagenchimode, Assam union-rang Meghalaya-ko chu·gimik champenganiko dakgen ine mikrakataniko on·angaha.
Uandake da·o a·dok damgnini sorkari-rangan ta·rake kamrangko ka·na aro a·dok damgnini gisepo tom·tomaniko ra·bapilna draatako man·enga.
Na·simang iakoba nina man·gen:
Na·simang iakoba poraina man·gen: Wailadmiki Shylla, gital rikenggipa Iawmusiang Shopping Complex-ko nirokea
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
