Guwahati, Sep18: An·chingni chibolrango dikpripgipa samsirangko lekka gita jakkaltogipa maiba bostuko tarina man·gen ine na·a chanchie nijokma? Assam-ni sakgni chadamberang – bilsi 28 ong·gipa Rupankar Bhattacharya aro bilsi 25 ong·gipa Aniket Dhar ia chachakon dake, chibolrango dikpripgipa gachilli-ko ra·e lekkarangko tarie uko “Desh Ka Kagaz” ine mingaha.
Ian Kumbhi Kagaz Pvt. Ltd.-ni golpo ong·a, jeni kamrangan laboratory-o ong·ja indiba chipu-ko jokataoni a·bachengbaaha.
Matburungrangko jokatani kamko ka·gipa Rupankar, iako dakna didianiko man·ani somoiko gisik ra·atpilaniko dakaha. Guwahati-ni sepango donggipa Dipor Beel-o chipu jada-ko jokatani somoi uni camera lens chio chgipa gachilli-ni a·sel champengako man·aha. Ka·onange, ua iani gimin an·tangni mentor-rang – herpetologist Dr. Jayadita Purkayastha aro Dr. Madhurima Das-na aganaha.
“Burungrangna chang-gittam bate chibolrangan ta·rakbate gimaenga. Chibolrangko naljoke rakkina nangchongmota. Indiba chinga gimikchi re·e kam ka·na man·ja, uni gimin chinga chonchongipa a·o malgipa aro chio donggipa matburungrangoni a·bachenge chibol-rangko tangchaatpilna ja·ku de·aha. Gachilli-ni a·sel neng·nikaniko man·aniara chingna gital a·bachenganiko dakna chol on·aha. Chinga uko pikenba, uko jakkaltogipa bostu ong·ataha. Chibolrangko tangchaatako daka baksana manderangna janggi tangani cholko on·anian chingni miksongani ong·a,” ine Rupankar Hub News-na parakataha.
“Chinga gachilli-oniko lekkarangko jakchi taria. Gachilli-ara 1700 bilsirangi somoio India-ona sokbae chibolrangko nosto ka·gipa samsini rokom ong·a. Chinga 2016 bilsio lekkarangko tarie nina a·bachengaha. Lockdown-ni somoiode chinga lekkako name tarina man·aha, Da·ode chingni lekkako chinga dam nom·e palenga aro ian chemical aro acid donggijagipa aro 100%an gachilli-ko binekate tarigipa ong·a. Iako dakanichi chinga chibolrangko tangchaatpila baksana janggi tangani cholrangko bikotna dakchakanirangko on·na miksongenga,” ine Aniket Dhar aganangaha.
“Chinga gachilli-ko ra·bae, chonchone rate uko natkninga. Lekka gipokko tarina chinga gipin lekkarang baksa brina. Ia lekka, kolom-ni kali-ko salopgija rongtale sena ba salna man·a aro uko artistrang namnikbea. Chingni tarigimin lekkarangko bang·batakon Assam-ni a·palchina watatenga. Iako tarion konta 7-7.5 ran·atna somoi nanga aro chinga salprako king 300-400 lekkarangko tarina man·a,” ine lekkarangko tariani kamrangko ka·gipa Rumi Das aganaha.
Chibolrango dikpripe neng·nikaniko on·gipa samsi-ko mingsa jakkaltogipa samtangtangko nisigijagipa lekkako tarianichi, Kumbhi Kagaz ia dingtangmancha kamko a·bachengate chibolrangko rang·sitna aro manderangna pangkamgipa janggi tangani cholrangko dakna on·enga.
Na·simang iakoba nina man·gen:
Na·simang iakoba poraina man·gen: Assam-M’laya-ni tourist taxi association-rangni kajia-golmalni a·sel tourist-rang jachanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
