Shillong, Sept 17: Budbar salo, Meghalaya-ni Health Minister aro Jowai-ni MLA Wailadmiki Shylla, gital rikenggipa Iawmusiang Shopping Complex-ni kamrang baditana chu·sokaha uko, JHADC-ni executive member, Seilborlang Shadap aro Jaintia Tribal Traders Association (JTTA)-ni member-rang baksa re·ange nianiko dakangaha.
Ia gital rikenggipa complex-ko matchotate on·anian 2018 bilsio uni election-na chakatatani somoio mongsonggipa ku·rachakani ong·a ine Shylla aganangaha. 2024 bilsio sorkari ia project-na kror 25-ko on·ataha aro iako ja 24-ni gisepon matchotatna ka·dongsoenga maina ia complex-ko rikani kamrang 70%-ni gita matchotaha ineba ua parakataha.
PWD (Building)-ni Assistant Executive Engineer, Wankar Slong, ia gital rikenggipa complex-o ge 320 dokkanrang donga ine u·iatengon, Jowai-o donggipa damgni anti cha·ram biaprangna ge 700 dokkanrangko on·manaha ineba ua u·iatangaha.
JTTA-ni President, I. Najiar, gitcham market ba anti cha·ram biapo ge 600 dokkanrang dongani gimin jamano maming neng·nikaniko man·jana gita ia gitalgipa complex-o gitcham dokkan dakgiparang ge·antikon ra·chakna man·a gita tarichina didiataha.
Iani gisepon, ua pilak dokkan nokgiparangkon neng·nikanirangko tom·tome JHADC baksa namgrikatchinaba didiataha.
Na·simang iakoba nina man·gen:
Na·simang iakoba poraina man·gen: Nongrah-ni me·chik bi·sani siani bidingo noksulni bilsi 13 ong·gipa me·a bi·sako rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
