Shillong, Dec 30: Adita salrangna skang ra•gatgipa Immigration and Foreigners Act, 2025-ni gita Meghalaya-o Inner-Line Permit (ILP) gita dakgipa niamrangko ra•gatani bidingo Union Home Minister Amit Shah namgipa aganchakaniko on•aha ine Deputy Chief Minister in-charge Home (Police) Prestone Tynsong parakataha.
Adita salrangna skang Union Home Minister baksa New Delhio gronge chanchirimaniko dakon, a•dokni skotong minister Conrad K Sangma-ni dilanichi re•anggipa a•dokni dilgiparang bang•a neng•nikanirang jekai ILP Framewkrk aro gital 2025 Act-ko parakataha ine Tynsong aganangaha.
“Immigration aro Foreigners Act, 2025-ko ILP gita maikai niam ra•gatna man•gen, aro ian Meghalaya-ni ILP ong•gen, uni gimin chinga chanchirimaniko dakaha. Iani bidingo Union Home Minister baksa agangrikani namen matchotaha. Haida mikkang antiode, Union Home Secretary, Chief Secretary aro Director General of Police baksa tom•e ia gital Act-ni ning•ao Meghalaya-ona indin napna man•jana gita parakatanirangni bidingo kam ka•anggen”, ine ua talatangaha.
“Ia gital Immigration and Foreigners Act, 2025-ni ning•ao chinga a•doko manderangni napbaaniko chekna ILP gita apsananggipa clause-rangko on•chapna miksongenga, jechin a•palchini manderang Arunachal Pradesh-o daka gita a•dokona napbana skang permit-rangko ra•chengna nanggen. Je mandeba a•dokona napbana skang entry point-rango facilitation centre-rango online bimung segatna nanggen,” ine Tynsong parakataha.
Bangladesh baksa 444 kilometre sima ari dongengon, ia Act, da•o dongenggipa ILP-na baten a•song gipinoni napsrukbaenggipa manderangko champengna dakchakgen ineba ua agandapaha.
Napsrukbaaniko jegalgipa dolrang ia chanchianiko ra•chakgenma ine sing•on, “Sawa ra•chakjawa? ILP gita dakgipa niamko Immigration and Foreigners Act-o on•chapanian a•dokona a•palchini manderangni napsrukbaaniko champengna bilakbata,” ine ua aganchakaha.
“Ma•mong ia clause-ko on•dapna ku•chakgenchimode, Immigration aro Foreigners Act-an Meghalaya-na ILP gita kam ka•gen. Iako ra•chakgenchimode, dingtang Act-ko ra•gatna nangani dongjawa; chinga ILP-ni palo Immigration and Foreigners Act-kon chu•gimik ra•gatna man•aigen,” ine ua talatangaha.
Uni aganani gitade, ia niamko ra•chakgenchimode, India-ni aro a•palchini manderangko a•dokona napbaaniko chekna gita Meghalaya sorkari bilko man•gen.
Na·simang iakoba nina man·gen:
Na·simang iakoba poraina man·gen: ‘Chinga Chinese ba Momo ong·ja’: Nagaland Minister
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
