Guwahati, Dec 30: Nagaland a·dokni Tourism aro Higher Education Minister, Temjen Imna Along, Tripura a·dokoni Dehradun-o poraienggipa chatro saksako ka·saninggija mikkang nitee chadrapani a·sel janggiko gimaatahanina jegalatan baksa, Salgro Salaram jolo songdongenggipa manderang India a·songni bakan ong·a aro iano donggipa manderang Chinese ba Momo ong·ja ine aganaha.
Batanggimin somoio, salgro salaram a·dokoni ong·ani gimin Anjel Chakma-ko ka·saninggija dake sataha aro ua bilongbee saknaa man·ani a·sel December 26 tariko ua a·gilsakko watangaha.
Kobor ra·timgiparang baksa agangrikengon, je kattako agana skangba name chanchichengesa agana nanga aro je manderangan ia a·sel jak dongachim, uamang Salgro Salaram jolni manderangko name ma·sigipa ong·ja, chinga an·tangtangko Chinese ineba chanja aro Momo-ra mingsa cha·togipa cha·anisan ong·aia, uni gimin ia jolni manderangni kosako ka·enggipa kamrangara nama ong·ja ine Along aganaha.
An·tangtangni gimin janapengon, uamang India a·songni bak ong·na namen rasong chabea aro Salgro Salaram a·dokrangko India a·songoniko ma·ekatna man·jawa. Jemangan ia a·selo jak dongachim, uamango salgro salaram a·dokrangona rimbae Arunachal aro Nagaland a·dokrango sokachakanirangko mesokna ska ineba ua janapataha.
Iani gisepon, Anjel Chakma sagiko so·otani bidingo Uttarakhand Police am·sandianiko dakenga.
Police-rangni aganani gitade, Anjel-ko churichi su·aha aro bilongbee saknaataha jeni a·selan, ua December 26 tariko a·gilsakko watangaha.
Na·simang iakoba nina man·gen:
Na·simang iakoba poraina man·gen: B’desh-ni gitcham PM Khaleda Zia bilsi 80 ong•e sianga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
