Guwahati, July 3: Guwahati songjinmani Kharghuli jolo, bilsi 71 ong·gipa me·chikma saksako, uko niroktimgipa manderang matsramgipa silchidare-chi so·otaha.
Ia so·ota man·gipa me·chikmara Bandana Das ong·achim aro ia a·sel Budbar pringni bako uni nokon ong·aha ine u·ina man·aha.
Ia a·selo jak donggipa Ratul Das aro uni jikgipako Police-rang rim·aha.
Kobor ra·timgiparangna ADCP (Central) Sambhavi Mishra-ni aganani gitade, ia a·sel ong·ani bidingo uamang Budbar pringni 6 bajimango koborko man·soaha aro bakan ACP Panbazar, local OC, FSL unit, CID aro achak sipairangko rimange iani bidingo am·sandina a·bachengataha. Uamangni sandie nianio, 2001 bilsion Bandana-ni segipa siaha aro unoni intalan ua noko saksan janggi tangbaaha aro uamango dedrang saksaba dongjani gimin ia jiksesa uko nirokna gita uni nokon ru·uta somoirangna dongbaengaha ine u·ina man·aha.
Police-rangni aganani gitade, Ratul, ia me·chikmani kutturiona nokking gita napbaaha aro uni tusiengmitingo matsramgipa chakkuchi uko chadrapaha. Uni jakkalgipa chakkuko nalao galani ja·man uamang jiksesa, Budbar pringni 5 bajimango sianggipa me·chikmani mahari ma·drang aro noksulrangna saoba ma·sina man·gijagipa manderang napdrae ia me·chikmako chadrapaha ine tol·e sakki on·aha.
Indake ong·genchimoba Ratul-ni jako adita saknaa man·ako nike Police-rangni sing·sandianiko dakon, uamang jiksaan an·tangni dos gnanganiko ku·rachake ra·aha.
Ia ka·namgijagipa kamko ka·aniara ia me·chikmani gam jinrangna dakahakon ine Police-rang chanchichipenga aro iani bidingo name am·sandianiko dakenga ine ADCP Mishra janapataha.
Ratul Das aro uni jikgipa, da·o Police custody-o ong·enga.
Na·simang ia video-koba nina man·gen:
Na·simang iakoba poraina man·gen: Bostu palbadiggiparangko apjitani bidingo am•sandina Special Officer-ko HC songa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
