Shillong, Feb 24: Defence-ni a•ao ga•akgipa Happy-Valley-Mawshbuit ramani metre 600 ong•gipa biapni bidingo meligrikgijanirangko namatna siengaha ine Mongolbar salo, a•dokni Deputy Chief Minister aro Home Minister Prestone Tynsong, Assembly-o aganaha.
Assembly-o Mawryngkneng-ni VPP MLA Heaving Stone Kharpran-ni sing•dapanina aganchakaniko on•angengon, Sombar salo ua, Army-ni GTC baksa iani bidingo tom•e chanchirimangaha aro ia tom•anio GTC-ni official-rang, Mawshbuit songoni re•ruraenggipa garirangko champengjana gita ku•rachakaniko on•angaha ine Tynsong parakataha.
Ia tom•anio serikanirangko soi ka•manahaon, Mawshbuit songoni re•ruraanirangko champengjana gita district administration-na ge•etaniko on•gnok ineba Home Minister parakataha.
A•arangko district administration aro Land Records department-ni official-rang gital dake topiltaigen ineba Tynsong aganaha.
Ia a•arangoni mitam bakrangde defence-ni ning•osa ga•aka ine janapatengon, ia biapo Army-rangni champengani bidingo koborko man•soani ja•man District Collector, defence official-rang baksa Wah Umkhen-o rikenggipa dolongko nianggen ine Deputy Chief Minister parakataha.
Na·simang iakoba nina man·gen:
Na·simang iakoba poraina man·gen: EGH-ni DLSA, Williamnagar-o Bal Vivah Mukt rally-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
