Shillong, June 27: Hynniewtrep Border Disputes Redressal Forum, Meghalaya aro Assam a·dokrangni sima ario ga·akenggipa West Jaintia Hills a·jani Lapangap songo so·sojengjeng ong·anirang batroroengani bidingo nirokatchina memorandum-ko Deputy Chief Minister Prestone Tynsong ni jak-o skotong Minister Conrad Sangma-na on•aha. Uamangni janapani gitade, batanggimin June 10 tariko songni nokmana maming u·iata gri Lapangap songni Block-01 jolo Karbi Anglong Autonomous Council bolrangko ge·aha. Indake iani bidingo songni manderang West Jaintia Hills a·jani Deputy Commissioner-na badi ka·doaha.
Uamangni memorandum-o janapani gitade, batanggimin June 10 tariko songni nokmana maming u·iata gri Lapangap songni Block-01 jolo Karbi Anglong Autonomous Council bolrangko ge·aha. Indake iani bidingo songni manderang West Jaintia Hills a·jani Deputy Commissioner-na badi ka·doaha.
Ia so·sojengjeng ong·aniko tom·tomaniona ra·bana aro bol ge·aniko dontongatna inenba June 19 tariko West Jaintia Hills aro West Karbi Anglong a·jani DC aro SP baksa Khanduli IB-o tom·e chanchirimanikoba dakangaha. Indake ong·genchimoba uamangni songgigrikani niamko pe·e Assam chipakni bolrangko ge·taiaha.
Iandake uamangni niam pe·ahani gimin June 25 tariko Lapangap songni manderang, NGO-rang aro dolgnini District Authority-rang tom·e chanchirimaniko daktaiaha.
Ua songni manderang aro NGO-rang Assam-na maming u·iata gri ia ge·gimin bolrangko pikgale galskaaha aro iani bidingo ding·chaoe Karbi aro Pnar jatrangni gisepo nanggrikani ong·skaaha. Ia obostarang ong·engani gisepo Assam Police tear gas-ko goaha jeni a·selan Pnar manderang bang·en saknaatako man·aha. Unbaksana apsan salon, Pnar manderangni mi a·palrangko Karbi jatrang so·prake donangaha.
Iarangni gisepo, Assam Police-rang ua jolona June 26 tariko re·baaha aro ua jolo tamburangko rike dongna jotton ka·aha.
Ia pilak obostarang ong·engon, Assam Police-rang ua biapo tamburangko rike dongahaode ua jolo donggipa manderangna kenchakani dongani gimin uamangko ta·raken a·rikgalatchina aro ua jolo donggipa manderangni naljokanina chelchaksogipa dolrangko bang·en watatchina Skotong Minister Conrad Sangma-ko HBDRF mol·molataha.
Uasan ong·aigija, ua an·tangan ua jolona re·bae nirokechina aro Assam aro Meghalaya a·dokrangni gisepo tom·tomaniko ra·bachinaba uamang Skotong Minister-ko mol·molataha.
Na·simang ia video-koba nina man·gen:
Na·simang iakoba poraina man·gen: Karbi Anglong-ni Assam-M’laya simao dolgni nanggriktaia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
