Guwahati, May 10: Gnigipa changna Himanta Biswa Sarma-ko Robibar salo, NDA Legislature party-ni dilgipana seoktaiahani gimin ua Assam a·dokni Chief Minister ong·e kamko ka·angkuna cholko man·taiaha.
Robibar salo, BJP-ni gimik sak 82 MLA-rang, Guwahati songjinmao donggipa BJP-ni headquarter-o tom·chimongtokenba Himanta Biswa Sarma-ko an·tangtangni dilgipana seokangaha aro ia tom·anio, Union Health Minister JP Nadda aro Haryana a·dokni Chief Minister Nayab Singh Saini-ba central observer ong·e dongpaaha.
Assam-o gital sorkariko rikna gita bakan Sarma, Assam-ni Governor Lakshman Prasad Acharya-ko grongena miksongenga.
Governor-ko grongeani ja·man, gital seoka man·gipa member-rang ku·mikchetaniko dakanggen aro gital member-rangni ku·mikchetanio, a·songni Prime Minister Narendra Modi-ko man·chape BJP aro NDA-ni dingtang dingtang dilgiparangba dongpagen ine ka·dongsoenga.
Assam Assembly election-o BJP-chi dilenggipa National Democratic Alliance (NDA) bang·bata seat-rangkon chegopani ja·man da·o gital sorkariko rikpiltaina siengaha.
Ia election-o NDA-ni member-rang gimik dam 126 seat-rangoni dam 102-ko cheaha aro ia dam 102-oni dam 82-ko BJP, dam 10-ko NDA-o bakrimenggipa Asom Gana Parishad aro seat dam 10-ko Bodoland People’s Front cheaha.
Na·simang iakoba nina man·gen:
Na·simang iakoba poraina man·gen: World Press Freedom Day-ko mania
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
