Guwahati, Feb 26: Bristibar salo, Assam-ni Skotong Minister Himanta Biswa Sarma Betkuchi-o Guwahati Municipal Corporation-ni gitalgipa integrated office building-ko nokdonggae on·angaha.
Ia gitalgipa noko Mayor, Commissioner, councillor-rang aro gipin official-rangko sokachakgen. Ian Guwahati songjinmana gitalgipa chu·sokani ine aganenba, ia nokko rikanichi a·dokna kam ka·ani aro manderangna dangdike on·aniko namdapatna man·gen ine Skotong Minister aganangaha.
Una agreba, damsa mongsonggipa directorate complex-o ia gitalgipa GMC building-ni sepango riknasienga, jeon sorkarini bang·a department-rang, jekai education aro health department-rangko ka·chakgen ine ua aganangaha. Ia gitalgipa rikanirang Guwahati songjinmani a·palo, ISBT-ni sepango ong·ani gimin, Guwahati-ni bijangchio mande chakpilgija ong·aniko komiatna dakchakgen ine ua talatangaha.
Pilak rikenggipa project-rang matchotahaon, Guwahati songjinmani biap dingtanganiko bang·en nikna man·gnok ine Skotong Minister agandapangaha.
Uandake, janggi tangani cholrangni bidingo, sorkarini chakrirango casual aro permanent kamrangko ka·giparang pangnan dongbringen ine Sarma aganangenba, ian ong·kamaigipa ong·a jeon contractual kam ka·giparangkoba rakkikamnaba gnang aro gital manderangko rakkianirangko dakskanaba gnang ine ua janapangaha.
Una agreba, Sarma re·baenggipa salrango, sal 12-na “Jana Ashirbaad Yatra”-ko Assam-o dakanggen, ine parakatangaha.
“Chinga sal 12na Jana Ashirbaad Yatra-ko dakanggen. Iano chinga Assam-ni pilak bakrangonan re·anggen. Chinga re·anggipa bilsi bongao Assam-ni manderangna maikai dangdike on·angaha uarangko talate on·anggen, aro re·baenggipa bilsi bongana uamangni pattianirangko on·china mol·molanggen,” ine ua aganangaha.
Ia songreanganiko bak dake ka·anggen aro a·dokona Prime Minister-ni re·baani somoio, aro Holi-o dikdiksana dontongenba, March 15-oni ka·angtaigen ine Sarma u·iataha.
Una agreba, uni party, Assam-ni ge 126 Assembly Constituency-rangonni ge 103-o susaanggen, aro bangki donggiparango dingtang dingtang a·selrangni gimin Susana man·jaenga ine Sarma aganangaha. Uandake, uamang baksa bakrimenggipa Asom Gana Parishad (AGP) ua biaprango susaangskanaba gnang ine ua agandapangaha.
Na·simang iakoba nina man·gen:
Na·simang iakoba poraina man·gen: Charles Pyngrope-ni A·chikkuchi aganani House-o ka·dinganiko ra·baa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
