Guwahati, July 22 : Budbar salo, Assam a·dokni Skotong Minister Dr. Himanta Biswa Sarma, chi ban re·ani obostarang aro dakchakaniko on·enggipa kamrangko nipilaniko dakna chi ban re·anio nangchakea man·gipa Charaideo, Sivasagar aro Jorhat a·jarangona re·ange nianiko dakangaha. Ua relief camp-rango dongenggipa apjitata man·gipa nokdangni manderangko grongean baksana uamangna dakchakani aro janggi tanganiko apsan ong·atpilna sorkari chu·gimik dakchakaniko on·gen ine ka·dongataniko on·angaha.

Iani gisepon, ua bilongbee sagiparang aro an·tangari re·na dona man·gijagipa manderangko hospital-ona rimanggen ine u·iatengon, chi ban re·anio nangchongmotgipa lekka pancha-rangko gimaatgipa manderangna bodolpilanio dakchakaniko on·angskagen ine Dr. Sarma u·iataha. Iani gisepon, sana bananiko on·gipa dolrang aro nangchongmotgipa bosturangko relief camp-rangona watatman·aha ine aganengon, sorkarini dingtang dingtang dolrang naljokatani, nangchongmotgipa bosturangko sokatani aro ong·enga obostarangko namatpilna gita sal wal kamrangko ka·enga ineba ua u·iatangkuaha.