Shillong, Aug 20: Meghalaya a•doko bobil dake chakatanina champengatako man•gipa Hynniewtrep National Liberation Council (HNLC) dol, ‘niam donani grigipa’ chittiko on•genchimosa sorkari agangrikna man•gen ine Sukrobar salo a•dokni Chief Minister Conrad K Sangma parakataha.
HNLC bobil dolni manderang agangrikna re•baengon, so•sojengjeng ong•atani kamrangko dontongchengna nanggen aro a•songni dongimin niamrango pangchakesa agangrikna ku•chakna nanggen ineba Chief Minister parakataha.
Chief Minister-ni parakatani gitade, HNLC dol baksa agangrikani bidingo sorkari, dingtang dingtang cholrangchi u•iatmanahachim.
Batanggimin somoirango HNLC bobil dolni sorkarina on•atgipa chittirango ‘Standstill Agreement’ aro ‘Instrument of Accession’-o pangchakesa agangrikna seatahachim indiba ia niamrangara sorkarini ra•chakna man•gijagipa niamrangsa ong•achim.
“Uni gimin ia niam minggni uamangni chittio dongna nangjawa aro iani bidingo sorkari uamangna u•iatmanahachim. Uamangna u•iatani ja•man uamang ia niamrangko ra•gale sorkarini dongimin niam gita chittiko on•taigen ine chingna u•iatahachim,” ine Chief Minister parakataha.
