Shillong, Aug 31: India-ni Salgro Salaram jolo dal·batgipa hotel-ni dol, Polo Hotels aro Resort baksana Ellenbarrie Tea-ni nokgipa Varun Tea Plantation Pvt. Ltd, West Bengal-ni Doars-o Polo Planters Lodge ingipa gital resort-ko a·bachengatani gimin parakataha.
Ia 20 acre-ni resort-o chibol gnang cha bagan-rangko man·chape villa ba nokrang donggen, jeon songrebagipa ba sokbagiparang dingtangmancha Polo-o nika nianirang, cha bijakoniko tarigipa cha·anirang, Ellenbarrie-ni nambatgipa charangko on·gipa Planter’s Lounge baksana cha-o pangchake an·seng baljokani kamrangkoba ka·e an·saoniko man·gen. Songrebagiparangna cha bagan dakgiparangni janggi tangani bewal chong·motko cha·tote niatna mancha ia resort-ko tariaha.
Hotel Polo Towers-ni CEO, Deval Tibrewalla, Ellenbarrie-ni ripingbaenggipa cha tariani bewal aro Polo-ni namgipa soka chakani bewalko ia resort-ara apsan nangdimatenba Doars-ko songrebagiparangna dingtangmancha songreani biap ong·atna miksongenga ine aganangaha. Ellenbarrie Tea-ni Aradhita Agarwal, ia apsan nangrime kamko ka·aniara jolo cha bagan dake cha·giparangni dakbewal rikbewalrangko songrebagiparangna an·saogipa dake niani ong·ata ine aganangaha.
India-ni Salaram aro Salgro Salaram jolo, Polo Hotels & Resort-rang da·o ge 9 hotel-rang aro resort-rangko chalaienga. Iani gisepon, Ellenbarrie Tea-ara bang·a chasongni chasongrangna Doars-o cha bijakrangko ge·an baksana cha bijakrangkoba taribaenga.
Na·simang iakoba nina man·gen:
Na·simang iakoba poraina man·gen: Meghalaya, B.Sc Nursing-na State Common Entrance Exam seani cut-off score-ko bariata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
