Shillong, Nov 29: Karirangni dingtangrorobaanirangko warachakanio a·dok damsa damgipin baksa bakrimanirangko namdapatna ine, Himachal Pradesh-ni JICA project-ni high-level team, Meghalaya-ona re·bae Meghalaya Basin Development Authority-ni jako ra·gipa aro JICA-ni tangka-paisarangchi dakchakatgipa a·dokni MegLIFE Project-ni gimin salsana skie ra·na re·baaha.
Ia skie ra·anirango Meghalaya a·dokni songrango songdonggipa manderangni dilanichi maikai ong·telaigipa samtangtangrangko ripinganirangko dakenga, dingtang dingtang janggi tangani cholrangko dake cha·enga, aro karirangni dingtangrorobaani kri ranta ka·anirangko dakenga, uko u·ie ra·na miksonge re·baaha.
Community-based Forest Management and Livelihood Improvement-ara (MegLIFE) Meghalaya-o JICA-ni (Japan International Cooperation Agency) dakchakgipa project ong·a aro uni miksonganiara songrango burung-bolgrimrangko namedake rakkianichi, janggi tangani cholrangko namdapatanirangchi aro songrango donggipa dingtang dingtang dolrangko bil gnangatanichi ong·telaigipa gam-jinrangko tangchaatpilna aro ripingna jotton ka·enga, aro indake dakanichi Meghalaya-ni samtangtangko, burung-bolgrimrang aro do·o-matrangko ripinganichi aro a·doko songdonggipa manderangni janggi tanganirangko namdapatanichi dakchake on·na miksongenga.
Himachal-oni re·bagipa manderangna Additional Project Director Gavade Sachin Shankar, Deputy Project Director Wankit Kupar Swern aro gipin dilgiparang project-ni gimin namedake talate on·angaha. Indake uamangna MegLIFE-ni dingtangmanchagipa bewalo burngrangko tangchaatpilna, chi-rangko tipchangatjana, janggi tangani cholrangko namdapatna aro karirangni dingtangrorobaaniko warachakna nangrimate tarigimin model-ni gimin aganangaha.
Khasi Hills aro Ri-Bhoi a·jarangona re·ange niani somoio, JICA team-ni manderang MegLIFE-ni nambate chu·sokenggipa kamrangko niangaha jekai community nursery-rang, plantation zone-rang, spring-shed rejuvenation-rang aro Pashang songo ripinge donenggipa burungrang. Una agreba uamang Laitmyndang songni Payment for Ecosystem Services (PES) model-ko niangaha.
Uandake Umwang Pyllun aro Mawtai Umtasor-ni VPIC, IVCS aro SHG-rang baksa agangrikanirangchi songo-noko janggi tangani cholrangko on·ani, me·chikrangni dilanichi kamrangko ka·ani aro ong·telaigipa gam-jinrangko rakkina dingtang dingtang dolrangna kamrangko tikatatanichi MegLIFE-ni dakchakani bidingo niangaha. Una agreba uamang Nongrim Umksih-o donggipa SALT farm, Byrwa-ni Field Distillation Unit, aro Sohra-o donggipa PES intervention site-ona re·ange pangkamgipa bewalo ge·a-gamani aro dingtang dingtang bosturangko tariani kamrangko nieaha.
Bon·kame, a·dok damgnian songni-nokni manderangko bil gnangatna, karirangni dingtangrorobaaniko warchakna man·gipa janggi tangani cholrangko dakna, aro nosto ong·angenggipa biaprangko tangchaatpilna kam ka·angna on·kanganiko gisik ra·atpile, mikkangchina remikkange pangkamgipa silroro-namroroanio ra·bana Meghalaya aro Himachal Pradesh-ni gisepo nangrimgrikaniko mesokangaha.
Na·simang iakoba nina man·gen:
Na·simang iakoba poraina man·gen: Me·gong Festival 2025-na tarisamsoaniko Tourism Minister nirokea
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
