Shillong, Jan 28: Hynñiewtrep Youths’ Council (HYC) Khyndailad, Shillong-o dingtangmancha jatni itihas aro dakbewalrangko tangmesokgipa biap dake tarina a•dok sorkariko didiaha.
“Khyndailad bimungko gualgija, ia Shillong-ni bijangchio Khasi jatrangni janggi tangani dakbewalrangko mesokgipa dake tarina kraa. Uni gimin Skotong Minister aro Deputy Skotong Minister I/c Urban Affairs Department, ia dabianiko knachakchina aro nanggipa department-rangko pilak nanggipa dolrang baksa agangrike project-ko a•bachengatchina mol•molatenga,” ine Budbar salo, HYC-ni president Roy Kupar Synrem a•dokni Skotong Minister Conrad Sangma aro Deputy Skotong Minister in-charge Urban Affairs Sniawbhalang Dhar-na chitti see parakataha.
“Ia centre-ko a•bachengatanichi bang•a dingtang dingtang miksonganirangko chu•sokatna man•gen jekai jatni dakbewalrangko ripingani, joltangni artiste-rangna cholko on•ani, janggi tangani cholrangko dake cha•ani aro pangkamgipa tourism-ko ra•baanirang,” ine ua agandapaha.
Ia centre-ko rikanio bangbanggipa biaprangko tarigen jeon manderang dakmesokanirangko dakna man•gen, jatni cha•anirang aro wata-chenganirangko bading-chiwalgipa dokkanrangna biap donggen, aro ‘Khyndailad’-ni itihas-o gamchataniko talatna dingtang dingtang bimangrang aro uandakgiparangko dongen ine miksongenga.
Indake dakanichi, itihas-ko mande ra•e gisik ra•ani ong•gen, aro manderangna janggi tangani cholko on•na baksana uamangni gisepo jattangni dakbewalrangna rasong chaaniko ra•bagen ine HYC ka•dongsoenga.
“Iandakgipa centre, Shillong-ko uni dakbewalrangna mingsinge tourism-o namdapatgen, aro ‘Khyndailad-ko mande gapgipa bading-chiwalani biap ong•atgija, jatni dakbewalko mesokgipa tanggipa krong ong•e rakkigen,” ine Synrem agandapangaha.
Na·simang iakoba nina man·gen:
Na·simang iakoba poraina man·gen: M’laya a·dok, 7-gipa UMMAI National Senior Muay Thai Championship 2026-o nambee dakanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
