Shillong, June 1: IIM Shillong, Post Graduate for Working Executives (PGPWE 2025-27)-ni 6-gipa batch aro PhD Program for Working Professionals (PhDWP 2025)-ni 7-gipa batch-ko rim·chaksoani gita inauguration ceremony ba nokdonggaaniko ong·atangaha. Ia bilsio, PGPWE program-o sak 90 kam sapbegiparang baksana PhDWP program-na sak 16 manderangni bimung segataniara, kam ka·giparangni gisepo karkanarango kam ka·ani bidingo manderangni poraidapna gisiko nanganiko mesoka.
Director (I/C), Prof. Nalini Prava Tripathy, ia tom·bimonganiko didiani kattarangchi a·bachengatan baksana, ia program-ara manderangni dakna amani bilko u·ina aro uamangni chu·gimik bilrangko jakkalna man·a gita ramako mesokani nambegipa chol ong·a ineba janapataha.
Tom·anio mongsonggipa sokgipa, ASSOCHAM-ni ku·pattitimgipa, Charan Singh, ia tom·anio bakko ra·gipa sakantikon IIM nokdangni bak ong·a ine aganenba, dal·begipa jumang ba niksomsoani baksa kakket ong·e dilangchina gita didiataha. Indake, ia tom·bimonganio dal·gipa sokgipa, TCS-ni Head of Alliances, Incubation, Research and Innovation, Sridhar CV, rake kamko ka·anichisa chu·sokaniko man·a ama ine didianiko on·angskaha.
Chairperson-Admissions-ni Prof. Bidyut Jyoti Gogoi, Chairperson-Doctoral Program-ni Prof. Mousumi Bhattacharya, ia program-ni bidingo che·em che·em talataniko on·angaha aro Chairperson-Executive PGP-ni Prof. Sitanshu Sekhar Das aro Dean-Academics-ni Prof. Rohit Joshi, chatro chatrirangko uamangni skie ra·ani re·mikkanganio on·kanganina ku·mikchetaniko dakdilangskaaha.
Skie ra·aniko a·bachengna skang uamang orientation-ni bak gita 2025 bilsini May jani 26 tarikoni 30 tarikona chong·motan sal 5-na immersion program-o dongpae bakko ra·angaha, jeon uamang faculty ba skigiparang, poraiskarang aro IIM Shillong-ni manderang baksa nangrimna gita cholko man·aha.
Na·simang ia video-koba nina man·gen:
Na·simang iakoba poraina man·gen: Sohra-o gimaenggipa tourist sakgniko man·kujaenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
