Guwahati, Sep 1: IIT Guwahati-ni am·sandigipa dolrang, Prof. Lal Mohan Kundu-ni dilanio, uni dolni member-rang chong·motan Pallavi Paul aro Anushka Chakraborty, chio donggipa cancer saatna man·gipa mercury ba jingjonggipa rokomsa sil aro sabisiko ong·atgipa jo·ongrangko second 10-ni gisepon rim·na man·gipa dam komiani nanosensor-ko tariaha.
Ia sensor-koara mandeni be·enko dal·roroatna dakchakgipa dud-ni protien aro thymine baksana UV light-ni teng·ao ching·gipa carbon dot-rangko jakkale tariaha. Jensalo namgijagipa bisemrang jekai mercury ba sabisiko ong·atgipa jo·ongrang chio dongon, ching·ani komia baksana chiko moila ong·aniko mesoka.
Ia sensor-ko siltongni chi, chibimani chi, dud, su·bu aro an·chirango chu·soke porikka ka·e nianiko dakman·aha, jekon lekkarang baksana ta·rake nianiko dakna ramram UV lamp ba chakkirangoba on·na gita man·a.
Lab-o porikka ka·e nianio ia sensor chonchongipa mercury (1.7 parts per billion)-ni bakrangko man·aha, jean U.S Safety Standard-na bateba tik ong·bata. Ia am·sandie man·aniko Microchimia Acta ingipa songbad-o gatatani gisepon, SAO Scientist-rangni chanchiani gitade ian dam komigipa water testing kit-rangko tarinaba dakchakgen aro mikkangchi iako sana banani a·baoba jakkalangna gitaba man·gen.
Na·simang iakoba nina man·gen:
Na·simang iakoba poraina man·gen: Tura-o Lord Ganesha-ko chio galanichi bon·kame salam ka·aniko dakangaha
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
