Shillong, Jun 8: Rajya Sabha election-o Meghalaya Democratic Alliance (MDA)-ni candidate James K Sangma, chetelaigen ine Sombar salo, Meghalaya a·dokni Chief Minister Conrad K Sangma, an·tangni ka·dongchakenganiko parakatenba, Rajya Sabha-ni MP, Parliament-o a·dokni nangchongmotgipa kamrang, jekai Inner Line Permit (ILP)-ko ra·gatani aro Garo, Khasi ku·sikrangko Constitution-ni Eighth Schedule-o napatna gita ku·rang on·skana nanggen ine aganaha.
Rajya Sabha election-na James Sangma-ni nomination file ka·angani ja·man kobor ra·timgipa manderang baksa agangrikengon, National People’s Party (NPP)-ni candidate-na chakpaanirangko on·engani gimin a·dokni Chief Minister, MDA-o bakrimenggipa pilak party aro dilgiparangko mittelpilangaha.
Rajya Sabha election-o gipin candidate-rang donggenchimoba, MDA-o chu·onga gitan member-rang dongskaani gimin ia election-o chegipa ong·na ka·dongenga ineba Sangma aganaha.
Parliament-o gital Rajya Sabha member-ni jako ra·e ku·rang on·na sienggipa kamrangni gimin janapatengon, uan songsalni gita aro politics-ni gita a·dokna aro a·dokni nangchongmotgipa kamrangko jako ra·na sienga aro ia kamrangko jako ra·anio a·dokni gital Rajya Sabha MP, chu·sokgipa ong·gen ine Chief Minister, an·tangni ka·dongchakenganiko parakataha.
Meghalaya a·dokni nangchongmotgipa kamrangko ministry-ni gadango chu·sokatna Shillong aro New Delhi-ni gisepo kamrangko ka·anio MP-ara mongsonggipa daitoko jako ra·gipa ong·a ineba Sangma aganaha.
A·dokni nanganirangna a·dok sorkari bilaken dabianirangko dakangkugen aro ia dabianirangko MP, Parliament-ona ra·angskagen ineba a·dokni Chief Minister aro NPP-ni national president aganaha.
James Sangma-ni nomination file ka·anio MDA-o bakrimenggipa mitam member-rangni dongpajahani gimin talataniko on·angskaengon, ian nomination file ka·ani somoiko dingtangatahani a·sel aro Deputy Chief Minister Sniawbhalang Dhar-ni nokdango kalimaniko chagrongna nangani a·selba ong·aha ine Chief Minister aganaha.
James Sangma-ni Rajya Sabha-o bilsidokna member ong·aniara a·dokni nanganirangko Parliament-ona ra·angna chol ong·gen ineba Sangma aganaha.
Na·simang iakoba nina man·gen:
Na·simang iakoba poraina man·gen: Manipur-o silchidarerangchi jingjengatgiparangni kosako raka ja•kurangko de•gen: CRPF-ni chief
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
