Shillong, Feb 18: Meghalaya a·dokni Skotong Minister Conrad K Sangma, a·dokko chel·chake rakkina man·a gita gipin biaponi Meghalaya a·dokona napaenggipa manderangna Immigration and Foreigners Act, 2025-o pangchake permit-ko on·china proposal-ko on·aha ine Budbar salo Assembly-o parakataha.
Skotong Minister-ni aganani gitade, iako gipin biaponi Meghalaya a·dokona re·baenggipa manderang, permit gnangsa a·dokona napna man·a miksonganio on·enggipa proposal ong·a.
Ia ILP-ko ra·gatani bidingo Leader of Opposition Mukul Sangma-ni sing·anirangna Skotong Minister aganchakaniko on·engon, iani bidingo uamang kam ka·engkua ine aganchakaha.
Iani bidingo Ministry of Home Affairs baksa chanchirimani aro technology-ko tarisamsoani ja·manosa songsalo dilgiparang, tour operator aro political party-rang baksa agangrikna nanggen ineba ua janapataha.
Iako ra·gatna miksongenganiara, a·dokona napani aro ong·katani cholgugarango check point-rangko songanian ong·a ine Skotong Minister aganaha.
Sixth Schedule-ni bidingo janapatskaengon, ian Sixth Schedule-ni ning·o ga·akgipanade maming nangchakeani dongjawa, indiba ian niamgri gipin biaponi napsrukbagipa manderangko sandisoaniko dakna miksonganio ong·a aro iako chu·sokatnade, Immigration and Foreigners Act, 2025-o pangchake ILP(Inner Line Permit)-ko ra·gatachi man·gen ine ua aganaha.
Na·simang iakoba nina man·gen:
Na·simang iakoba poraina man·gen: Job Reservation Policy 1972-ko dingtangatjachina Expert Committee ku•pattia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
