Shillong, June 8: Meghalaya-ni robol kal·na gisiko nanggipa Sanfida Nongrum, Goa-o ong·atgipa final-o Bangladesh a·songko 3-1-chi amate India a·songko SAFF Women’s Championship title-ko chena dakchakaniko on·a ja·man, Most Valuable Player (MVP) ine bimung mingako man·aha.
Meghalaya-ni Sanfida, India-na 2-gipa goal-ko 46-gipa minute-o chipe on·aha. Pyari Xaxa aro Lynda Kom Serto-ba India-na goal-rangko chipe on·ani gisepon, Ritu Porna Chakma, Bangladesh-na goal-sako chipatskaaha.
Sanfida, robol kal·susaaniko ong·ata gimikon India-ni nambatgipa kal·susagiparangoni saksa ong·an baksana semifinal aro final-oba goal-rangkoba chipe on·angaha. Kal·susaani matchota ja·man, ua a·gipibatgipa kal·susagipa Grace Dangmei-ni robol kal·aoni neng·takna parakaniko jinmana u·iate on·angaha.
India, chang 4 kal·susaani gimikon cheaniko man·an baksana goal 18-ko chipangaha aro Bangladesh a·songko SAFF Women’s Championship title-ko chang 3 joljol cheanikoba champengataha.
Na·simang iakoba nina man·gen:
Na·simang iakoba poraina man·gen: Guwahati-ni Arya Nagar-o niamgri ganja palani kosako jegalaniko dakanio nanggrikanichi bang·a manderang saknaako man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
