Sikkim, June 8: Sikkim a·dokni National Highway-10-ni sepango donggipa Teesta chibimaoniko, Sikkim-oni sakbri manderang baksa bilsi 5 onggipa bi·sani manggisiko gari ning•ao siako man•a ja•man Sikkim aro West Bengal-ni salgni ong•na sipile amsandiani matchotaha.
A•sel ong•e sigiparangara, Smarika Neopaney (28), Shaibya Neopaney (27), Tika Dahal (27), aro Ditya Chettri (5), ong•a, uamang Gangtok a•jani Kabi Lungchok Constituency-ni ning•o donggipa Lingdok biapo songdongiparang ong•achim.
Uamang, june-ni 5 tarikko, Tata Nexon (SK01PC9872) gario, Gangtok oni siligu-ona songreangengachim. Uamangni nokdangni manderang, uamang baksa Rambi jolo bon•kame golpoa ja•man, contact ka•na man•taijanina jajrengenba am•sandianirangko abachengataha.
Ua jolni dilgiparang gimaaengani koborko man•a bak·an, uamangko sandinagita search operation-ko National Disaster Response Force (NDRF)-ni personnel-rang, West Bengal-ni Police, West Bengal Traffic-ni Police, ua jolni administration official-rang aro volunteer-rangchi sadianiko dakna a•bachengataha. Indake tuamangko sandina NH-10-ni Sevok–Baghpool rama joloniko sadinatna kam ka•chakataha. Uamangni gimaani salon, ua jolon chiringrang dal•alni a•sel a•arang ru•ronge garirang re•a doanirang-o neng•nikanirangko man•aha aro ua jolon uamangni phone-ni bonchotgipa location-koba man•ahachim.
Sandianiko dakmittingo, ua jol-o garini begimin bakrangko nike ian gimaenggipa Tata Nexon-ni ong•nabagnang ine chanchichipenba, ua jolni chibimarangoniko sandina gita a•bachengataha.
Dongtongpilgija sandiani ja•man, Teesta chibimao gari napsrime dongako man•aha. Indiba andalahani gimin aro chibima dal•ani gimin ua somoio amsandiani-ko dontongate salgipin pringo amsandianiko abachengataiaha aro gari ning-o sakbri manderangni manggisiko man·aha.
Manggisiko North Bengal Medical College aro Siliguri-ni Hospital-chi ra•angaha Jeon post-mortem-ko ka•angha. Ka•a matchota ja•man dakna nanganirang dake, manggisko nodangni manderangna pakwatataha.
Na·simang iakoba nina man·gen:
Na·simang iakoba poraina man·gen: India-ni SAFF Women’s Championship title-ko chea ja·man M’laya-ni Sanfida Nongrum, MVP ine bimung mingako man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
